“இது மருத்துவமனையா? இல்ல நரகமா..?” E.S.I மருத்துவமனையின் கொடூர அவலம்.. வைரலாகும் அதிர்ச்சி வீடியோ..!!

டெல்லி பஸாய் தாராபூரில் உள்ள இ.எஸ்.ஐ மருத்துவமனையின் அவல நிலை குறித்த அதிர்ச்சி வீடியோ ஒன்று வெளியாகி சமூக ஊடகங்களில் பெரும் பரபரப்பை ஏற்படுத்தியுள்ளது. நோயாளிகளுக்குச் சிகிச்சை அளிக்கும் அந்த மருத்துவமனையின் வார்டுகளில் விளக்குகள் எரியாமல் இருண்டு கிடக்கின்றன. நோயாளிகளுக்கு வழங்கப்படும் போர்வைகள் கிழிந்த நிலையில் ஆங்காங்கே சிதறிக் கிடக்கின்றன. எல்லாவற்றிற்கும் மேலாக, நோயாளிகளின் படுக்கைகளுக்கு அருகிலேயே அவர்களின் இரத்த மாதிரிகள் பாதுகாப்பற்ற முறையில் அப்படியே போட்டு வைக்கப்பட்டுள்ளன.

மருத்துவமனையில் உள்ள பெரும்பாலான படுக்கைகளில் நோயாளிகள் படுப்பதற்கான படுக்கை விரிப்புகள் கூட இல்லை என்பது அம்பலமாகியுள்ளது. அங்கு வந்த நோயாளி ஒருவரின் உதவியாளர், மருத்துவமனையின் இந்த மோசமான மற்றும் சுகாதாரமற்ற நிலையைத் தனது மொபைல் போனில் வீடியோவாகப் பதிவு செய்து பொதுவெளியில் பகிர்ந்துள்ளார். தலைநகர் டெல்லியில் உள்ள ஒரு முக்கிய மருத்துவமனையின் இந்த அவல நிலை, அங்கு வரும் நோயாளிகளின் பாதுகாப்பையும் ஆரோக்கியத்தையும் கேள்விக்குறியாக்கியுள்ளது.