“பாட்டி அது அதிமுக துண்டு அதை கழட்டுங்க” அமைச்சர் முன்பு மேடையிலேயே மூதாட்டி இடுப்பில் இருந்த துண்டை தூக்கி எறிந்த நபர்.. வைரலாகும் பரபரப்பு வீடியோ!

புதுக்கோட்டையில் நடைபெற்ற அரசு நலத்திட்ட உதவிகள் வழங்கும் விழாவில், பட்டா வாங்குவதற்காக வந்த மூதாட்டி ஒருவரின் இடுப்பில் கட்டப்பட்டிருந்த அதிமுக துண்டு பலவந்தமாகக் கழற்றி தூக்கி எறியப்பட்ட சம்பவம் பெரும் பரபரப்பை ஏற்படுத்தியுள்ளது. இது தொடர்பான வீடியோ காட்சிகள் தற்போது சமூக வலைதளங்களில் மிக வேகமாக வைரலாகி வருகின்றன.

அமைச்சர் பர்வேஸ் பங்கேற்ற இந்த அதிகாரப்பூர்வ அரசு நிகழ்ச்சியில், அந்த மூதாட்டி உதவி பெறுவதற்காக மேடையை நோக்கிச் சென்றுள்ளார். அப்போது அவர் இடுப்பில் அதிமுக துண்டை அணிந்திருந்ததைக் கண்ட அங்கிருந்தவர்கள், அதனை வலுக்கட்டாயமாக அவிழ்த்து அப்புறப்படுத்தியதாகக் கூறப்படுகிறது.

https://twitter.com/sunnewstamil/status/2081053440021852394/video/1

இந்த அதிரடிச் சம்பவம் அரங்கேறிய சமயத்தில், சமீபத்தில் அதிமுகவில் இருந்து விலகிய முன்னாள் அமைச்சர் சி. விஜயபாஸ்கர் அதே மேடையில் அருகில் நின்று கொண்டிருந்தார் என்பது குறிப்பிடத்தக்கது. இந்த வீடியோ அரசியல் வட்டாரத்தில் தற்போது பெரும் விவாதப் பொருளாக மாறியுள்ளது.