சிக்கலில் CM விஜய்..! அரசுப் பள்ளியில் தவெக கட்சியின் நிகழ்ச்சி ஒளிபரப்பு… வீடியோ வெளியாகி சர்ச்சை..!!

கரூரில் தமிழக வெற்றிக் கழகம் நடத்திய நிகழ்ச்சியில் முதலமைச்சர் விஜய் ஆற்றிய உரையை, அரசுப் பள்ளி ஒன்றில் மாணவர்களுக்கு ஒளிபரப்பியதாக வெளியாகியுள்ள வீடியோ சமூக ஊடகங்களில் பெரும் சர்ச்சையையும் விவாதத்தையும் ஏற்படுத்தியுள்ளது. ஒரு அரசுப் பள்ளி வளாகத்திற்குள் அரசியல் கட்சித் தலைவரின் உரையை மாணவர்களுக்குத் திரையிட்டுக் காட்டியது விதிகளுக்குப் புறம்பானது என்றும், இது பள்ளியின் கல்விச் சூழலைக் கெடுக்கும் செயல் என்றும் பல்வேறு தரப்பினர் தங்களது கண்டனங்களைப் பதிவு செய்து வருகின்றனர்.

https://twitter.com/sunnewstamil/status/2075524654559789205/video/1

இருப்பினும், இந்த வீடியோ தற்பொழுது எந்தப் பள்ளியில் எடுக்கப்பட்டது அல்லது எந்தப் பகுதியில் நடந்தது என்பது குறித்தான துல்லியமான அதிகாரப்பூர்வ தகவல்கள் இன்னும் வெளியாகவில்லை. இந்த விவகாரம் பூதாகரமாக வெடித்துள்ள நிலையில், சம்பந்தப்பட்ட பள்ளி நிர்வாகம் மீதோ அல்லது இதற்கு காரணமானவர்கள் மீதோ கல்வித்துறை அதிகாரிகள் விசாரணை நடத்தி உரிய விளக்கம் அளிப்பார்களா மற்றும் நடவடிக்கை எடுப்பார்களா என்ற பலத்த கேள்வி பொதுமக்கள் மற்றும் அரசியல் விமர்சகர்கள் மத்தியில் எழுந்துள்ளது.