கட்டட திறப்பு விழாவிற்கு முன்… அன்னாசிப் பழத்தை தரையில் உருட்டிவிட்ட முதலமைச்சர் விஜய்… பின்னணியில் இருக்கும் ரகசியம் என்ன..?

சென்னையில் கேப்பிட்டல் லேண்ட் டேட்டா சென்டரை திறந்து வைத்த முதலமைச்சர் விஜய், அங்கு அன்னாசிப் பழத்தை தரையில் உருட்டி விட்டு புதிய கட்டிடத்தைத் தொடங்கி வைத்தார். இது பார்ப்பதற்கு விசித்திரமாக இருந்தாலும், இதன் பின்னணியில் “வாங் லாய்” எனப்படும் சுவாரசியமான சிங்கப்பூர் மற்றும் சீனப் பாரம்பரிய கலாச்சார வழக்கம் உள்ளது. சீன மொழியில் அன்னாசிப் பழத்தைக் குறிக்கும் சொல் “செல்வம் மற்றும் அதிர்ஷ்டம் நம்மை நோக்கி வருவது” என்ற அர்த்தத்தைக் கொடுப்பதால், புதிய தொழில் அல்லது அலுவலகத்தைத் தொடங்கும் போது இந்த சடங்கு கடைப்பிடிக்கப்படுகிறது.

கேப்பிட்டல் லேண்ட் நிறுவனம் சிங்கப்பூர் நாட்டைச் சேர்ந்த ஒரு முன்னணி நிறுவனம் என்பதால், அவர்களின் பாரம்பரியத்தை மதிக்கும் வகையில் இந்தத் தனித்துவமான சடங்கு சென்னையில் அரங்கேறியுள்ளது. இவ்வாறு அன்னாசிப் பழத்தை உருட்டிவிடும் போது, அங்குள்ளவர்கள் அனைவரும் “ஹுவாட் ஆஹ்” என்று உற்சாகமாகக் குரல் எழுப்புவார்கள்; இதற்கு “தொழில் செழித்தோங்கட்டும்” அல்லது “அதிர்ஷ்டம் பெருகட்டும்” என்பது பொருளாகும். சிங்கப்பூர் நிறுவனத்தின் புதிய முதலீட்டுத் தொடக்க விழாவில், இரு நாட்டு கலாச்சாரப் பகிர்வை வெளிப்படுத்தும் விதமாக இந்தச் சுவாரசிய நிகழ்வு அமைந்திருந்தது.