அய்யயோ.. காட்டு நாய்கள் கூட்டம் செய்த காரியம்… அலறியடித்து ஓடிய 12 வயது சிறுவன்.. இறுதியி நேர்ந்த சோகம் ..!!

தெலுங்கானா மாநிலம் சூர்யாபேட்டை மாவட்டத்தில், காட்டு நாய்கள் துரத்தியதால் ஏற்பட்ட கடுமையான பயம் மற்றும் அதிர்ச்சியில் 12 வயது சிறுவன் ஒருவன் மாரடைப்பு ஏற்பட்டு பரிதாபமாக உயிரிழந்த சோகச் சம்பவம் நடந்துள்ளது. சூர்யாபேட்டை மாவட்டம், நடிகூடம் மண்டலத்திற்கு உட்பட்ட வல்லாபுரம் கிராமத்தைச் சேர்ந்த மொக்காபு வீரபாபு என்பவரின் மகன் நிஷாங்க் கவுட் (12) என்ற சிறுவனே இந்த விபரீதத்தில் பலியானவன் ஆவான். சம்பவத்தன்று அச்சிறுவன் தனது கிராமத்தில் உள்ள பாட்டி வீட்டிற்கு தனியாக நடந்து சென்று கொண்டிருந்தபோது, திடீரென ஒரு கூட்டமான காட்டு நாய்கள் அவனைச் சூழ்ந்து கொண்டு கொடூரமாகத் தாக்க முயன்றுள்ளன.

காட்டு நாய்களின் இந்தத் திடீர் தாக்குதலால் நிலைகுலைந்து போன சிறுவன், அலறியடித்தபடி அங்கிருந்து தப்பிப்பதற்காக பயந்து வேகமாக ஓடியுள்ளான். நாய்களிடம் இருந்து தப்பித்து ஓடியபோதிலும், ஏற்பட்ட அசுர பயத்தின் காரணமாக அவனது இதயம் திடீரென செயலிழந்து சம்பவ இடத்திலேயே மயங்கி விழுந்து பரிதாபமாக உயிரிழந்துள்ளான். பாட்டி வீட்டிற்குச் சென்ற சிறுவன் காட்டு நாய்களால் மிரண்டு, பயத்திலேயே துடிதுடித்து உயிரிழந்த இந்த நெஞ்சை உலுக்கும் சம்பவம் வல்லாபுரம் கிராம மக்கள் மற்றும் அவனது குடும்பத்தினர் இடையே பெரும் சோகத்தையும் அதிர்ச்சியையும் ஏற்படுத்தியுள்ளது.