“நீங்க இன்னொரு கல்யாணம் பண்ணிக்கோங்க” மகனோடு 18 ஆவது மாடியிலிருந்து குதித்து மனைவி தற்கொலை… சிக்கிய உருக்கமான கடிதம்..!!

மகாராஷ்டிரா மாநிலம் புனே அருகே உள்ள பிம்ப்ரி-சின்ச்வாட் பகுதியில், 33 வயதான ஏக்தா பங்காட் என்ற பெண் தனது 6 வயது மகன் மாதவுடன் அடுக்குமாடி குடியிருப்பின் 18-வது மாடியில் இருந்து கீழே குதித்து தற்கொலை செய்து கொண்ட அதிர்ச்சிச் சம்பவம் நிகழ்ந்துள்ளது. இந்த கோர விபத்தில் தாய் மற்றும் மகன் ஆகிய இருவருமே சம்பவ இடத்திலேயே பரிதாபமாக உயிரிழந்தனர். இச்சம்பவம் அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது.

காவல்துறையினரின் முதற்கட்ட விசாரணையில், ஏக்தா நீண்டகாலமாக கடுமையான முதுகுத்தண்டு (Spine) தொடர்பான உடல்நலப் பாதிப்பால் அவதிப்பட்டு வந்தது தெரியவந்துள்ளது. இந்த தொடர் உடல்நலக் குறைபாடு காரணமாக ஏற்பட்ட மன உளைச்சலாலேயே அவர் தனது மகனுடன் இந்த விபரீத முடிவை எடுத்திருக்கலாம் என்று சந்தேகிக்கப்படுகிறது.

சம்பவ இடத்தைக் கைப்பற்றி போலீஸார் நடத்திய சோதனையில், ஏக்தா எழுதி வைத்திருந்த 7 முதல் 8 பக்கங்கள் கொண்ட தற்கொலைக் கடிதம் ஒன்று கண்டெடுக்கப்பட்டது. அதில், தனது உடல்நலப் பாதிப்புகள் குறித்து விவரித்துள்ளதுடன், தனது மறைவுக்குப் பிறகு கணவர் மற்றொரு திருமணம் செய்து கொண்டு தனது வாழ்க்கையைத் தொடர வேண்டும் என்றும் அவர் உருக்கமாகக் குறிப்பிட்டுள்ளார். இச்சம்பவம் குறித்து போலீஸார் தொடர்ந்து விசாரணை நடத்தி வருகின்றனர்.