அய்யோ… மனிதாபிமானமே இல்லையா..? எலும்பு முறிந்த வாலிபரைத் தூக்கிப் போட்டு மிதித்த கொடூர கும்பல்… வைரல் வீடியோவின் பதற வைக்கும் பின்னணி..!!

மகாராஷ்டிர மாநிலம் லாத்தூர் மாவட்டத்தில் கால் முறிவுடன் இருந்த ஆட்டோ ஓட்டுநர் ஒருவர் கொடூரமாகத் தாக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. நிலங்கா தாலுகாவில் உள்ள நாடி ஹட்டர்கா கிராமத்தில் உள்ள ஜில்லா பரிஷத் பள்ளிக்கு அருகில் இந்தத் தாக்குதல் அரங்கேந்துள்ளது. பழைய தகராறு காரணமாக மூன்று பேர் கொண்ட கும்பல் பாதிக்கப்பட்ட நபரை பெல்ட், கால்கள் மற்றும் குத்துச்சண்டைக் கருவி கொண்டு தாக்கியுள்ளது.

ஹன்மந்த் அசோக் காம்ப்ளே (26) என்ற பாதிக்கப்பட்ட நபர் அளித்த புகாரின் அடிப்படையில், அவர் தனது நண்பர் விஜய் காம்ப்ளேவுடன் பள்ளியின் பின்னால் பேசிக்கொண்டிருந்தபோது இந்தச் சம்பவம் நடந்துள்ளது. ஏற்கனவே காலில் எலும்பு முறிவு ஏற்பட்டு அவதிப்பட்டு வந்த அந்த இளைஞரை மனிதாபிமானமின்றி பலமுறை அந்த கும்பல் தாக்கியுள்ளது. இந்தச் சம்பவத்தின் வீடியோ சமூக வலைதளங்களில் வைரலாகி கடுமையான கண்டனங்களைச் சம்பாதித்து வருகிறது.

https://twitter.com/VaradBhatkhande/status/2115763287036239897/video/1?t=6

இதையடுத்து, பாதிக்கப்பட்ட வாலிபரின் புகாரின் பேரில் காவல்துறையினர் உடனடியாக நடவடிக்கை எடுத்துள்ளனர். வன்கொடுமை தடுப்புச் சட்டம் மற்றும் தொடர்புடைய பிற பிரிவுகளின் கீழ் மூன்று சந்தேக நபர்கள் மீது வழக்குப்பதிவு செய்யப்பட்டுள்ளது. தற்போது இப்பகுதியில் சட்டம்-ஒழுங்கு மற்றும் பாதுகாப்பு பலப்படுத்தப்பட்டு, தலைமறைவாக உள்ள குற்றவாளிகளைத் தேடும் தீவிரப் பணியில் காவல்துறையினர் ஈடுபட்டுள்ளனர்.