CRIME
“சொன்னா கேக்க மாட்ட..” தனிக் குடித்தனம் போக மறுத்த கணவன்… 5 வயது மகளின் கண்முன்னே கோடாரியால் தீர்த்துக்கட்டிய மனைவி..! நெஞ்சை உறைய வைக்கும் கொடூரம்..!”
மேற்கு வங்க மாநிலம் பாங்குரா மாவட்டம் பார்ஜோரா காவல் நிலையத்திற்கு உட்பட்ட பகாண்ணா கிராமத்தில் மிகவும் அதிர்ச்சியூட்டும் ஒரு சம்பவம் நடந்துள்ளது. கூட்டுக் குடும்பத்தில் இருந்து தனியாகப் பிரிந்து செல்ல வேண்டும் என்ற மனைவியின் கோரிக்கையை கணவன் ஏற்க மறுத்ததால், தனது 5 வயது பச்சிளம் குழந்தையின் கண்முன்னே மனைவியே கோடாரியால் கணவனின் கழுத்தை அறுத்துக் கொலை செய்துள்ளார். போலீஸார் மற்றும் உள்ளூர் தகவல்களின்படி, உஜ்வல் சக்கரவர்த்திக்கும், ஜூமா சக்கரவர்த்திக்கும் கடந்த 2017 ஆம் ஆண்டு திருமணம் நடைபெற்றது. இவர்களுக்கு ஒரு பெண் குழந்தையும் உள்ளது. திருமணமானதிலிருந்து ஜூமா தனது கணவரிடம், குடும்பத்தினரை விட்டுப் பிரிந்து தனியாக வாழ வேண்டும் என்று தொடர்ந்து அழுத்தம் கொடுத்து வந்துள்ளார்; இதன் காரணமாக அவர்களுக்குள் அடிக்கடி தகராறு ஏற்பட்டு வந்துள்ளது.
சம்பவத்தன்று அதிகாலை 4 மணியளவில், அறையில் ஏதோ ஒரு கனமான பொருள் கீழே விழுவது போன்ற சத்தம் கேட்டு உஜ்ஜவலின் மூத்த சகோதரர் சனத் சக்கரவர்த்தி அங்கு ஓடிச் சென்றார். அப்போது, ஜூமா தனது மகளின் கண்முன்னே கணவர் உஜ்ஜவலின் கழுத்தில் கோடாரியால் மாறி மாறி வெட்டிக் கொண்டிருப்பதைப் பார்த்து அவர் அதிர்ந்து போனார். தனது அண்ணியைத் தடுத்து நிறுத்த முயன்ற சனத் மீதும் அந்தப் பெண் கோடாரியால் தாக்குதல் நடத்தியதில், அவரது கையில் பலத்த காயம் ஏற்பட்டது. இந்த கொடூரச் செயலால் அந்தப் பகுதியே உறைந்து போய்விட்டது.
தகவலறிந்த பார்ஜோரா காவல் நிலைய காவல்துறையினர் உடனடியாக சம்பவ இடத்திற்கு விரைந்து சென்று, உஜ்ஜவல் சக்கரவர்த்தியின் ரத்த வெள்ளத்தில் கிடந்த உடலைக் கைப்பற்றினர். அவரது கழுத்தில் கூர்மையான ஆயுதத்தால் ஆழமான காயங்கள் இருந்தன. காவல்துறையினர் குற்றம் சாட்டப்பட்ட மனைவி ஜூமா சக்கரவர்த்தியை சம்பவ இடத்திலேயே கைது செய்ததுடன், கொலைக்குப் பயன்படுத்தப்பட்ட கோடாரியையும் பறிமுதல் செய்தனர். மேலும், உடலைப் பிரேத பரிசோதனைக்காக பாங்குரா சம்மிலானி மருத்துவக் கல்லூரிக்கு அனுப்பி வைத்துவிட்டு, காவல்துறையினர் தீவிர சட்டப்பூர்வ விசாரணையை மேற்கொண்டு வருகின்றனர்.
