“சொந்த மாவட்டத்திலேயே எடப்பாடிக்கு விழுந்த பலத்த அடி..!” அதிமுகவிலிருந்து விலகும் 1,000 முக்கிய புள்ளிகள்.. வெளியான பரபரப்பு தகவல்..!!

அதிமுக முன்னாள் அமைச்சரும் கட்சியின் மூத்த தலைவருமான செம்மலையின் ஆதரவாளர்கள் 1,000-க்கும் மேற்பட்டோர் அதிமுகவிலிருந்து விலகி தமிழக வெற்றிக் கழகத்தில் இணைய உள்ளதாக வெளியாகியுள்ள தகவல் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. சேலம் மாவட்டத்தைச் சேர்ந்த சில முன்னாள் சட்டமன்ற உறுப்பினர்களும் இந்த அதிரடித் தாவலில் ஈடுபட உள்ளதாகத் தெரிகிறது. எடப்பாடி பழனிசாமியின் சொந்த மாவட்டமான சேலத்திலேயே இந்த மெகா கட்சித் தாவல் அரங்கேற உள்ளதால், இது அதிமுக தலைமைக்குப் புதிய தலைவலியாகவும் பெரும் சவாலாகவும் உருவெடுத்துள்ளது; மேலும், செம்மலை தனது அரசியல் செல்வாக்கை நிரூபிக்க இந்த இணைப்பில் மிகுந்த தீவிரம் காட்டி வருவதாக அரசியல் விமர்சகர்கள் கருதுகின்றனர்.

அதே வேளையில், இந்த விவகாரம் குறித்து அதிமுக தரப்பினர் தங்களது மாறுபட்ட கருத்துக்களை முன்வைத்து வருகின்றனர். செம்மலைக்கு தற்போதைய சூழலில் சேலம் மாவட்டத்தில் பெரிய அளவில் மக்கள் ஆதரவு எதுவும் இல்லை என்றும், அவர் தனது மகன் எழில் அமுதனின் அரசியல் எதிர்காலத்தை மனதில்கொண்டே சுயநல நோக்கில் தவெகவில் இணைந்துள்ளார் என்றும் அதிமுக நிர்வாகிகள் விமர்சித்து வருகின்றனர். இருப்பினும், இந்த மெகா இணைப்பு தவெகவின் பலத்தை சேலம் மாவட்டத்தில் கணிசமாக உயர்த்தும் என எதிர்பார்க்கப்படுகிறது.