“மருத்துவமனையின் உச்சகட்ட அலட்சியம்..” ஆப்ரேஷன் தியேட்டரில் துடிதுடித்த 47 வயது பெண்.. குடும்பத்தினர் பகீர் குற்றச்சாட்டு.. பரபரப்பு பின்னணி..!!

கேரள மாநிலம் கண்ணூர் பரியாரம் மருத்துவக் கல்லூரியில் நடைபெற்ற இதய அறுவைச் சிகிச்சையின்போது பாத்திமா (47) என்ற பெண் ஆபரேஷன் தியேட்டரிலேயே பரிதாபமாக உயிரிழந்த சம்பவம், மருத்துவமனையின் அலட்சியத்தை வெளிச்சம் போட்டுக் காட்டியுள்ளதாகக் குடும்பத்தினர் குற்றம் சாட்டியுள்ளனர். தொடக்கத்தில் அப்பெண்ணிற்கு மிக எளிமையான ‘கீ-ஹோல்’ அறுவைச் சிகிச்சைதான் செய்யப்பட உள்ளது என்று மருத்துவர்கள் தங்களுக்கு உறுதியளித்ததாக உறவினர்கள் கூறுகின்றனர். ஆனால், தங்களுக்கு முறையான முன்தகவல் ஏதுமின்றி கடைசி நேரத்தில் அந்த நடைமுறையை மாற்றி, ‘பைபாஸ்’இதய அறுவைச் சிகிச்சையை மருத்துவர்கள் மேற்கொண்டுள்ளனர்.

மருத்துவமனையின் இந்தத் திடீர் முடிவு மற்றும் மிக மோசமான மருத்துவ அலட்சியமே பாத்திமாவின் மரணத்திற்கு முக்கியக் காரணம் என அவரது குடும்பத்தினர் கண்ணீருடன் குற்றம் சாட்டியுள்ளனர். இளம் பெண்ணின் இந்தத் துயர மரணம் பரியாரம் மருத்துவக் கல்லூரி வளாகத்தில் பெரும் பரபரப்பை ஏற்படுத்தியுள்ள நிலையில், பாதிக்கப்பட்ட குடும்பத்தினர் கொடுத்த புகாரின் அடிப்படையில் போலீசார் தீவிர விசாரணை நடத்தி வருகின்றனர்.