“வீட்டுக்குள்ள கேட்ட அலறல் சத்தம்” இரத்த வெள்ளத்தில் கிடந்த 21 வயது இளம் பெண்… தங்கை கொலையில் அக்காக்கள் உடைத்த உண்மை! டெல்லி மாடல் மரணத்தில் புதிய திருப்பம்..!!!

டெல்லியில் 21 வயதான முஸ்கான் என்ற இளம் மாணவியும் மாடலுமான பெண், தனது வீட்டின் இரண்டாவது மாடியில் தனியாக இருந்தபோது கத்தியால் குத்தி கொடூரமான முறையில் கொலை செய்யப்பட்டுள்ளார். மேற்கு டெல்லியின் திலக் நகர் பகுதியில் இச்சம்பவம் அரங்கேறியுள்ளது. வீட்டில் இருந்து கேட்ட பெண்ணின் அலறல் சத்தத்தை வைத்து அக்கம் பக்கத்தினர் ஓடிவந்து பார்த்தபோது, அவர் ரத்த வெள்ளத்தில் கிடந்துள்ளார். உடனடியாக ஆம்புலன்ஸ் மூலம் மருத்துவமனைக்குக் கொண்டு செல்லப்பட்ட போதிலும், காயங்களின் வீரியம் காரணமாக அவர் சிகிச்சை பலனின்றி பரிதாபமாக உயிரிழந்தார்.

இந்தக் கொடூரக் கொலையில் முஸ்கானுக்கு நன்கு அறிமுகமான இம்ரான் என்ற ஜிம் பயிற்சியாளர் மீது காவல்துறையினரின் பலத்த சந்தேகம் திரும்பியுள்ளது. முஸ்கான் சென்று வந்த உடற்பயிற்சி கூடத்தில் இம்ரான் பயிற்சியாளராக இருந்துள்ளார். தாக்குதல் நடந்த சம்பவத்திற்கு முன்பே, இம்ரான் முஸ்கானுக்குத் தொடர்ந்து தொல்லை கொடுத்து வந்ததாகவும், இதனால் முஸ்கானின் குடும்பத்தினருக்கு அவர் மீது ஏற்கனவே சில கவலைகளும் எதிர்ப்புகளும் இருந்ததாக முஸ்கானின் நண்பர் மற்றும் சகோதரிகள் தரப்பில் தெரிவிக்கப்பட்டுள்ளது.

கொலை நடந்த உடனே இம்ரான் அந்தப் பகுதியிலிருந்து தப்பியோடிவிட்டதால், அவரைப் பிடிப்பதற்காகப் போலீசார் தீவிர தேடுதல் வேட்டையில் ஈடுபட்டுள்ளனர். கொலைக்கான துல்லியமான காரணம் என்ன, இருவருக்கும் இடையே என்ன விதமான முன்விரோதம் அல்லது கருத்து வேறுபாடு இருந்தது என்பது குறித்து போலீசார் விசாரித்து வருகின்றனர். மேலும், கொலையாளி எப்போது வீட்டிற்குள் வந்தார், எப்படி தப்பினார் என்பதை அறிய அப்பகுதியில் உள்ள CCTV காட்சிகளையும், முஸ்கானின் மொபைல் போன் அழைப்புகளையும் காவல்துறை மிகத் தீவிரமாக ஆய்வு செய்து வருகிறது.