“நீ செத்துப் போயிடு…” கோவை குண்டுவெடிப்பு குறித்து மேடையிலேயே கொடூரமாகப் பேசிய சுந்தர்ராஜன்.. நெட்டிசன்கள் கடும் கொதிப்பு..!!

கோவை குண்டுவெடிப்பு சம்பவம் குறித்து பிரபல இயக்குநரும் நடிகருமான சுந்தர்ராஜன் பேசிய கருத்து தற்பொழுது சமூக வலைத்தளங்களில் பெரும் சர்ச்சையை ஏற்படுத்தியுள்ளது. அண்மையில் நடைபெற்ற ஒரு திரைப்பட விழாவில் கலந்து கொண்டு பேசிய அவர், கோவை குண்டுவெடிப்பு சம்பவத்தில் உயிரிழந்தவர்களைப் பற்றிப் பேசும்போது, அவர்கள் அனைவரும் அப்பாவிகள் என்று கூறுவார்கள் எனக் குறிப்பிட்டார். மேலும், “அப்பாவிகளாய் இருப்பதை விட செத்துப் போகலாம் என்பதுதான் என்னுடைய தனிப்பட்ட கருத்து” என்று அவர் மேடையில் பேசியது அங்கே கூடியிருந்தவர்களையும் அதிர்ச்சியடைய வைத்தது.

இந்த வினோதமான மற்றும் உணர்ச்சியற்ற பேச்சுக்கு நெட்டிசன்கள் மற்றும் சமூக ஆர்வலர்கள் தங்களது கடுமையான எதிர்ப்பைப் பதிவு செய்து வருகின்றனர். குண்டுவெடிப்பில் தங்களது உறவினர்களை இழந்து தவிக்கும் குடும்பங்களின் உணர்வுகளைக் காயப்படுத்தும் வகையில் ஒரு மூத்த கலைஞர் இப்படிப் பொறுப்பற்ற முறையில் பேசியிருக்கக் கூடாது என்று பலரும் கண்டனம் தெரிவித்து வருகின்றனர். சுந்தர்ராஜனின் இந்த சர்ச்சை பேச்சு தொடர்பான வீடியோ தற்பொழுது இணையத்தில் வெளியாகித் தீவிர விவாதப் பொருளாக மாறியுள்ளது.