“52 கி.மீ நடக்கணும், இனி நெட்வொர்க் கிடைக்காது..!”இதுதான் கடைசி வார்த்தையா..? நேபாள எல்லையில் மாயமான 3 இந்தியர்களின் கதி என்ன..? கண்ணீருடன் பிரதமர் அலுவலகத்தை நாடிய குடும்பம்..!!

கான்பூர் பி ரோடு பகுதியைச் சேர்ந்த பிரவீன் திவேதியின் சகோதரி ராகினி மிஸ்ரா மற்றும் அவரது கணவர் பங்கஜ் மிஸ்ரா ஆகியோர் நேபாளத்தில் மாயமாகியுள்ள சம்பவம் அவர்களது குடும்பத்தினர் மத்தியில் பெரும் அதிர்ச்சியையும் கவலையையும் ஏற்படுத்தியுள்ளது. அமெரிக்காவில் மென்பொருள் பொறியாளராக பணியாற்றி வரும் பங்கஜ் மிஸ்ரா, தனது மனைவி ராகினி மற்றும் மைத்துனி பூனம் மிஸ்ரா ஆகியோருடன் இணைந்து புகழ்பெற்ற கைலாஷ் மானசரோவர் யாத்திரைக்குச் சென்றுள்ளார். கடந்த ஆகஸ்ட் 25 ஆம் தேதி அன்று தங்களது குடும்பத்தினருடன் கடைசியாக அலைபேசியில் பேசிய பங்கஜ், தற்பொழுது தாங்கள் 52 கிலோமீட்டர் தூரம் நடந்தே செல்ல வேண்டியுள்ளதால், இனிமேல் அலைபேசி நெட்வொர்க்கிடைக்காது என்று தெரிவித்துள்ளார்.

அதனைத் தொடர்ந்து, ஆகஸ்ட் 26 ஆம் தேதி காலை 9 மணி முதல் அவர்களது அலைபேசிகள் அனைத்தும் முற்றிலும் சுவிட்ச் ஆப் செய்யப்பட்டுள்ளன. அதே காலகட்டத்தில், நேபாளம் மற்றும் திபெத் எல்லைப் பகுதிகளில் அசுர வெள்ளப்பெருக்கு ஏற்பட்டு மாபெரும் இயற்கைச் சீற்றம் மற்றும் பேரழிவு அரங்கேறியுள்ளது. கடந்த 5 நாட்களாகப் யாத்திரைக்குச் சென்ற மூன்று பேரைக் குறித்தும் எவ்வித தகவலும் கிடைக்காததால், தவித்துப் போன அவர்களது குடும்பத்தினர் தற்பொழுது இந்தியப் பிரதமரின் அலுவலகத்தை அவசரமாகத் தொடர்பு கொண்டு உதவி கோரியுள்ளனர். மாயமான தனது தமக்கை மற்றும் குடும்பத்தினரை மீட்கக் கான்பூர் மாவட்ட நிர்வாகத்திடம் சகோதரர் பிரவீன் திவேதி கண்ணீருடன் உதவி கேட்டுப் போராடி வரும் நிலையில், அவர்கள் மூவரும் விரைவில் பத்திரமாக மீட்கப்பட வேண்டும் என்று ஒட்டுமொத்தப் பொதுமக்களும் தற்பொழுது பிரார்த்தனை செய்து வருகின்றனர்.