LATEST NEWS
“EPS-ஐ அமைச்சராக்கியதே நான் தான்..” ஜெயலலிதாவிடம் பேசிய ரகசியத்தை உடைத்த செங்கோட்டையன்.. தமிழக அரசியலில் திடீர் பரபரப்பு..!!
அதிமுகவின் மூத்த தலைவர்களில் ஒருவரான கே.ஏ. செங்கோட்டையன், தனியார் ஊடகத்திற்கு அளித்த நேர்காணலில் எடப்பாடி பழனிசாமி குறித்துப் பேசிய கருத்துகள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. எடப்பாடி பழனிசாமிக்கு அதிமுகவில் கிளைச் செயலாளர் பதவி முதல் அமைச்சர் பதவி வரை கிடைப்பதற்குத் தானே முக்கியக் காரணம் என்று அவர் வெளிப்படையாகக் குறிப்பிட்டுள்ளார். மறைந்த முன்னாள் முதலமைச்சர் ஜெயலலிதாவிடம் பேசி, எடப்பாடி பழனிசாமிக்கு பல்வேறு பதவிகள் கிடைக்கத் தான் ஏற்பாடு செய்ததாகச் செங்கோட்டையன் அந்த நேர்காணலில் விரிவாக விவரித்துள்ளார்.
மேலும், எடப்பாடி பழனிசாமியின் தற்போதைய அரசியல் செயல்பாடுகள் குறித்தும் அவர் கடுமையான விமர்சனங்களை முன்வைத்துள்ளார். அதிமுகவில் தனக்கு அடுத்தபடியாக இரண்டாம் கட்ட தலைவர்களே இருக்கக் கூடாது என்று எடப்பாடி பழனிசாமி நினைப்பதாகச் செங்கோட்டையன் குற்றம் சாட்டியுள்ளார். எடப்பாடி பழனிசாமியின் இத்தகைய குறுகிய மனப்பான்மையே தற்பொழுது கட்சியில் நிலவி வரும் அனைத்துப் பிரச்சினைகளுக்கும் மற்றும் பின்னடைவுகளுக்கும் அடிப்படைக் காரணம் என்றும் அவர் தனது நேர்காணலில் சுட்டிக்காட்டியுள்ளார்
