“60 போன்கால் + 80 மெசேஜ்” விவாகரத்து வழக்கு, கடன், தந்தைக்கு அனுப்பிய வீடியோ… 4228 ரூமில் நடந்தது என்ன..? 41-ஆவது மாடியிலிருந்து தற்கொலை செய்த நபரின் பகீர் பின்னணி..!!

உத்தரப் பிரதேசம் நொய்டா செக்டர்-94 இல் உள்ள புகழ்பெற்ற ‘சூப்பர்நோவா’ அடுக்குமாடி குடியிருப்பின் Noida Supernova building 41-வது மாடியில் இருந்து குதித்து, சம்பவ் ஜெயின் என்ற 28 வயது மென்பொருள் பொறியாளர் தற்கொலை செய்துகொண்ட சம்பவம் பெரும் பரபரப்பை ஏற்படுத்தியுள்ளது. ஹரியானா மாநிலம் மானேசரைச் சேர்ந்த இவர், கடந்த வெள்ளிக்கிழமை மதியம் இந்த அடுக்குமாடி குடியிருப்பில் ஒரு நாள் தங்குவதற்காக ‘ஏர்பிஎன்பி’ மூலம் ‘ரூம் நம்பர் 4228’ ஐ புக் செய்து தனியாக வந்து தங்கியுள்ளார்.

மறுநாள் சனிக்கிழமை காலை 11 மணியளவில், அவர் தங்கியிருந்த அறையின் பால்கனி கைப்பிடிச் சுவரில் ஆபத்தான முறையில் தொங்கிக் கொண்டிருப்பதை அருகில் உள்ள பிளாட்டில் வேலை செய்து கொண்டிருந்த ஏசி மெக்கானிக் குழுவினர் பார்த்துள்ளனர். அவர்கள் உடனடியாக ஓடிவந்து அவரை மீட்க முயன்றபோதும், சம்பவ் ஜெயின் தான் கடும் மன அழுத்தத்தில் இருப்பதாகக் கூறிவிட்டு, அவர்களின் கண் முன்னேயே கீழே குதித்துள்ளார். மிக உயரமான 41-வது மாடியில் இருந்து விழுந்ததால் அவரது உடல் இரண்டு துண்டுகளாக சிதறி சம்பவ இடத்திலேயே பரிதாபமாக உயிரிழந்தார்.

இச்சம்பவம் குறித்து வழக்குப் பதிவு செய்துள்ள செக்டர்-126 போலீசார், அவரது அறையைச் சோதித்தபோது பல அதிர்ச்சித் தகவல்கள் வெளியாகின. சம்பவ் ஜெயினுக்குக் கடந்த சில காலங்களாகத் திருமண முறிவு தொடர்பான வழக்கு நீதிமன்றத்தில் நடந்து வந்ததும், அவரது குழந்தையின் முன்கூட்டிய பிறப்புச் செலவுகள் மற்றும் பெரும் கடன் சுமையால் அவர் கடுமையான நிதி நெருக்கடியில் சிக்கித் தவித்து வந்ததும் விசாரணையில் தெரியவந்துள்ளது. தற்கொலைக்கு முன்பாக அவர் தனது தந்தைக்கு வாட்ஸ்அப்பில் ஒரு வீடியோ பதிவையும், தனது தவிப்பை விவரிக்கும் மெசேஜ்களையும் அனுப்பியுள்ளார்; மேலும் அவரது தந்தை பதற்றத்துடன் மகனுக்குச் செய்த 60 அழைப்புகள் மற்றும் 80-க்கும் மேற்பட்ட மெசேஜ்கள் மொபைலில் அப்படியே இருந்தன. தற்போது போலீசார் இச்சம்பவம் குறித்து விரிவான விசாரணை நடத்தி வருகின்றனர்.