“பறந்து வந்த மரண பயம்…!” பள்ளியில் அரங்கேறிய கொடூர விபரீதம்.. பயங்கர சத்தத்துடன் அடியோடு பெயர்ந்த இரும்பு மேற்கூரை.. 3 கார்கள் நொடிப் பொழுதில் நசுங்கிய சிசிடிவி காட்சி..!!

கேரள மாநிலம் கண்ணூர் மாவட்டம் உலிக்கல் நகரில் இன்று மதியம் 12:30 மணியளவில் பெய்த கனமழை மற்றும் வீசிய சக்திவாய்ந்த சூறாவளிக்காற்றால், அங்குள்ள பள்ளி ஒன்றின் மேற்கூரை பெயர்ந்து விழுந்து பெரும் விபத்து ஏற்பட்டுள்ளது. உலிக்கல் நகரில் உள்ள வயத்தூர் யூபி பள்ளியின் வளைவு வடிவ இரும்பு மேற்கூரைதான் பயங்கரக் காற்றின் வேகம் தாங்காமல் அடியோடு பெயர்ந்து பறந்து சென்றுள்ளது. சுமார் 15 ஆண்டுகளுக்கு முன்பு கட்டப்பட்ட இந்த மேற்கூரை, பள்ளியின் பின்புறம் உள்ள ஒரு கட்டிடத்தின் மீது பயங்கர சத்தத்துடன் வந்து விழுந்தது.

இந்த மேற்கூரை விழுந்ததில் அதற்குக் கீழே நிறுத்தப்பட்டிருந்த மூன்று கார்கள் முற்றிலும் நசுங்கி பலத்த சேதமடைந்தன; பின்னர் உள்ளூர் மக்கள் இணைந்து அந்த வாகனங்களை மீட்டனர். அதிர்ஷ்டவசமாக இந்த விபத்தின்போது பள்ளி வளாகத்தில் யாரும் இல்லாததால் எந்தவொரு உயிர்ச்சேதமும் ஏற்படாமல் பெரும் பேரிடர் நல்வாய்ப்பாகத் தவிர்க்கப்பட்டுள்ளது. இந்தச் சூறாவளித் தாக்குதலால் பல லட்ச ரூபாய் மதிப்பிலான சொத்துக்கள் சேதமடைந்துள்ளதாக முதற்கட்டமாக மதிப்பிடப்பட்டுள்ளது. இதேபோல் இரட்டி மற்றும் அதன் சுற்றுவட்டார மலைப்பகுதிகளிலும் பலத்த சூறாவளிக்காற்று வீசியதாகப் பொதுமக்கள் தெரிவித்துள்ளனர்.