“புருஷன்கிட்ட சந்தோசம் கிடைக்கல” பேரன், பேத்தி எடுத்த வயசுல வந்த காதல்… மருமகள்களின் நகைகளுடன் கள்ளக்காதலனுடன் ஓட்டம் பிடித்த மாமியார்..!

உத்தரப் பிரதேச மாநிலம் ஜான்சி மாவட்டத்தில், இரண்டு பேரன் மற்றும் பேத்திகளைக் கொண்ட 55 வயது குடும்பத் தலைவி ஒருவர், தனது கணவரிடம் இருந்து தமக்கு மகிழ்ச்சி கிடைக்கவில்லை என்று கூறி, தன்னைவிட 5 வயது இளையவரான கள்ளக்காதலனுடன் வீட்டை விட்டு ஓடிப்போன விசித்திரச் சம்பவம் அப்பகுதியில் பெரும் பரபரப்பை ஏற்படுத்தியுள்ளது. இந்தத் துணிகரமான ஓட்டத்தின் போது, அவர் வெறும் கையோடு செல்லாமல், தனது மருமகள்களுக்குச் சொந்தமான விலையுயர்ந்த தங்க நகைகளையும் திருடிக்கொண்டு தப்பியோடியுள்ளார்.

பாதிக்கப்பட்ட குடும்பத்தினர் இந்தச் சம்பவம் குறித்து காவல் நிலையத்தில் புகார் அளித்துள்ளனர். சுக்வதி தேவி என்ற அந்தப் பெண்மணி, தனது குடும்ப வாழ்க்கையில் ஏற்பட்ட சலிப்பு மற்றும் கணவருடனான அதிருப்தி காரணமாக இந்தத் தீவிர முடிவை எடுத்ததாகக் கூறப்படுகிறது. வீட்டில் யாரும் இல்லாத நேரத்தைப் பயன்படுத்திக் கொண்டு, மருமகள்களின் நகைப்பெட்டிகளை உடைத்து, நகைகளைச் சுருட்டிக்கொண்டு அவர் தனது காதலனுடன் மாயமாகியுள்ளார்.

வீட்டிற்கு வந்த மருமகள்கள் நகைகள் காணாமல் போனதையும், மாமியார் வீட்டில் இல்லாததையும் கண்டு அதிர்ச்சியடைந்து கணவர்களிடம் கூறியுள்ளனர். அதன் பின்னரே மாமியார் தனது கள்ளக்காதலனுடன் ஓடிய விபரம் குடும்பத்தாருக்குத் தெரியவந்தது. இந்த விசித்திரமான காதல் மற்றும் திருட்டுச் சம்பவம் தொடர்பாகப் போலீசார் வழக்குப் பதிவு செய்து, தலைமறைவாக உள்ள அந்தப் பாட்டியையும் அவரது காதலனையும் தீவிரமாகத் தேடி வருகின்றனர்.