அய்யோ கடவுளே..! போனில் மனைவியுடன் பேசிக்கொண்டிருந்தபோதே துப்பாக்கியால் சுட்டு தற்கொலை செய்துகொண்ட காவலர்… திடுக்கிட வைக்கும் சம்பவம்..!

பீகார் மாநிலம் கிசன்கஞ்ச் மாவட்டத்தின் சதர் காவல் நிலைய வளாகத்தில் உள்ள காவலர் குடியிருப்பில் (பாரக்ஸ்), அவசர உதவி ‘டயல் 112’ பிரிவில் பணியாற்றி வந்த சமீர் குமார் என்ற காவலர் தனது துப்பாக்கியால் (சர்வீஸ் பிஸ்டல்) சுட்டு தற்கொலை செய்து கொண்ட சம்பவம் காவல்துறை வட்டாரத்தில் பெரும் அதிர்ச்சியை ஏற்படுத்தியுள்ளது. பாகல்பூர் மாவட்டத்தைச் சேர்ந்த சமீர் குமார், ஞாயிற்றுக்கிழமை காலையில் தனது அறையில் இருந்தபோது திடீரென துப்பாக்கி வெடிக்கும் சத்தம் கேட்டுள்ளது. சக காவலர்கள் பதறியடித்துக்கொண்டு ஓடிவந்து பார்த்தபோது, அவர் ரத்த வெள்ளத்தில் கிடப்பதைக் கண்டு உடனடியாக அவரை சதர் அரசு மருத்துவமனைக்குக் கொண்டு சென்றனர்; ஆனால் அவர் ஏற்கனவே இறந்துவிட்டதாக மருத்துவர்கள் அறிவித்தனர்.

இந்தச் சம்பவத்திற்குச் சற்று முன்பாக, சமீர் குமார் தனது அறையில் அமர்ந்து போனில் மனைவியிடம் பேசிக் கொண்டிருந்ததாக முதற்கட்ட விசாரணையில் தெரியவந்துள்ளது. போனில் பேசிக் கொண்டிருக்கும்போதே திடீரென துப்பாக்கிச் சத்தம் கேட்டதால் அதிர்ச்சியடைந்த அவரது குடும்பத்தினர் அலறியுள்ளனர். குடும்பப் பிரச்சினை அல்லது கடுமையான பணி அழுத்தம் காரணமாக ஏற்பட்ட மன உளைச்சலால் அவர் இந்த அதிரடி முடிவை எடுத்திருக்கலாம் எனப் போலீஸ் தரப்பில் சந்தேகிக்கப்படுகிறது.

தகவலறிந்து சம்பவ இடத்திற்கு வந்த கிசன்கஞ்ச் மாவட்ட போலீஸ் கண்காணிப்பாளர் (SP) சந்தோஷ் குமார், மருத்துவமனை மற்றும் சம்பவ இடத்திற்குச் சென்று விசாரணை நடத்தினார். தடயவியல் அறிவியல் ஆய்வகத்தின் (FSL) சிறப்புத் குழுவினர் வரவழைக்கப்பட்டு, சம்பவ இடத்தில் இருந்து தோட்டாக்கள், காவலரின் மொபைல் போன் உள்ளிட்ட ஆதாரங்களைக் கைப்பற்றியுள்ளனர். காவலரின் மொபைல் அழைப்பு விபரங்களை (CDR) ஆய்வு செய்து, தற்கொலைக்கான துல்லியமான காரணத்தைக் கண்டறிய போலீசார் தீவிர விசாரணை நடத்தி வருகின்றனர்.