“5 கோடி கொடு… இல்லனா மனைவிக்கு போட்டோவை அனுப்பிடுவோம்..” ரகசிய புகைப்படங்களை வைத்து கோடிகளில் பிளாக்மெயில்..! பிரபல யூடியூபரின் பகீர் லீலைகள் அம்பலம்…!!

உத்தரப் பிரதேசத்தின் எட்டாவா மாவட்டத்தில் உள்ள பிரபல யூடியூபர் அஷ்வி யாதவ் (என்ற) சிவாங்கி யாதவ் உட்பட 5 பேர் மீது, ரூ. 5 கோடி கப்பம் கோரியதாகவும், தனிப்பட்ட ரகசியப் புகைப்படங்களை இணையத்தில் வெளியிட்டு விடுவதாக மிரட்டியதாகவும் பர்தானா காவல் நிலையத்தில் வழக்குப்பதிவு செய்யப்பட்டுள்ளது. ஜஸ்வந்த்நகர் பகுதியைச் சேர்ந்த பாதிக்கப்பட்ட அசுதோஷ் (என்ற) டோனு யாதவ் நீதிமன்றத்தில் தாக்கல் செய்த மனுவின் அடிப்படையில், நீதிமன்ற உத்தரவின்படி செவ்வாய்க்கிழமை இரவு இந்த எஃப்.ஐ.ஆர் பதிவு செய்யப்பட்டுள்ளது. காவல்துறையினர் இச்சம்பவம் தொடர்பாக வழக்குப் பதிவு செய்து தீவிர விசாரணை மேற்கொண்டு வருகின்றனர்.

பாதிக்கப்பட்ட அசுதோஷ் நீதிமன்றத்தில் சமர்ப்பித்த மனுவில், தனது தனிப்பட்ட புகைப்படங்களை மனைவி, குடும்பத்தினர் மற்றும் உறவினர்களுக்கு அனுப்பி விடுவதாகக் கூறி குற்றவாளிகள் தன்னைத் தொடர்ந்து மிரட்டி வந்ததாகத் தெரிவித்துள்ளார். புகைப்படங்களை வெளிப்படுத்தாமல் இருக்க 2024 ஏப்ரல் 3 முதல் 2026 மே 4 வரை பல்வேறு வங்கிச் கணக்குகள் மற்றும் ரொக்கமாக சுமார் ரூ. 1.75 கோடியை அவர்கள் பறித்துள்ளனர். அதன்பின்னரும், 2025 நவம்பரில் மீண்டும் அழுத்தம் கொடுத்து ரூ. 58 லட்சம் கோரிய நிலையில், அசுதோஷ் வெவ்வேறு தவணைகளாக மேலும் ரூ. 58 லட்சத்தை (ரூ. 30 லட்சம், ரூ. 18 லட்சம் மற்றும் ரூ. 10 லட்சம்) வழங்கியுள்ளார்.

அவ்வளவு பணம் கொடுத்த பிறகும் திருப்தியடையாத குற்றவாளிகள், 2026 செப்டம்பர் 3 அன்று மாலை 7:30 மணியளவில் அசுதோஷ் தனது காரில் பர்தானா ஜின்ஜுவா பாலத்தின் அருகே சென்றுகொண்டிருந்தபோது, எண்கள் இல்லாத இருசக்கர வாகனத்தில் வந்த இருவர் அவரது காரை வழிமறித்துள்ளனர். அவரிடம் உடனடியாக ரூ. 5 கோடி தர வேண்டும் என்றும், தராவிட்டால் பொய் பாலியல் வன்கொடுமை வழக்கில் சிக்க வைத்து விடுவதாகவும் மிரட்டியுள்ளனர். அசுதோஷ் 112 என்ற அவசர உதவி எண்ணிற்கு காவல்துறையை அழைக்க முயன்றதும் அவர்கள் தப்பியோடிவிட்டனர். இச்சம்பவத்தில் யூடியூபர் அஷ்வி யாதவ், நீது சிங் யாதவ், சிவம் யாதவ், கீதாஞ்சலி ஜாதௌன் மற்றும் அபிஷேக் யாதவ் ஆகிய 5 பேர் மீது வழக்குப்பதிவு செய்யப்பட்டுள்ளதுடன், வங்கிப் பணப்பரிவர்த்தனை ஆதாரங்களை வைத்து காவல்துறை விசாரணை நடத்தி வருகிறது.