“எனக்குதான் பதவியே இல்லையே.!” தவெக பற்றிய கேள்விக்கு ‘சுப்ரீம் ஸ்டார்’ கொடுத்த அதிரடி பதில்.. சூடேறிய அரசியல் களம்..!!

தமிழக பாஜக தலைவர் பதவி சரத்குமாருக்கு வழங்கப்படவுள்ளதாக அரசியல் வட்டாரங்களில் பரவி வரும் தகவல்களுக்கு இடையே, தமிழக வெற்றிக் கழகத்தின் செயல்பாடுகள் குறித்த கேள்விக்கு அவர் அளித்துள்ள பதில் கவனத்தைப் பெற்றுள்ளது. பாஜாகவில் தமக்கு உரிய பதவி இருந்தால் மட்டுமே கட்சியின் அதிகாரப்பூர்வ கருத்துகளையோ அல்லது மற்ற கட்சிகளின் செயல்பாடுகள் குறித்தோ விரிவாகப் பேச முடியும் என்று அவர் தெரிவித்துள்ளார். 2026 சட்டமன்றத் தேர்தலுக்கு முன்பாகவே தனது சமத்துவ மக்கள் கட்சியை கலைத்துவிட்டு, மனைவியும் நடிகையுமான ராதிகாவுடன் பாஜகவில் இணைந்த சரத்குமார், தேர்தலில் போட்டியிட சீட் கிடைக்காத நிலையிலும் கட்சியின் வெற்றிக்காகத் தீவிரப் பிரசாரத்தில் ஈடுபட்டார் என்பது குறிப்பிடத்தக்கது.

பாஜகவில் இணைந்து நீண்ட நாட்களாகியும் இதுவரை அவருக்கு எந்தவொரு அதிகாரப்பூர்வப் பதவியும் வழங்கப்படவில்லை என்ற போதிலும், தற்போது அவருக்கு மாநிலத் தலைவர் பதவி வழங்கப்பட வாய்ப்புள்ளதாகக் கூறப்படும் தகவல்கள் தமிழக அரசியலில் பெரும் எதிர்பார்ப்பை ஏற்படுத்தியுள்ளன. கட்சியின் மேலிடம் தமக்கு வழங்கும் பொறுப்புகளை ஏற்றுச் செயல்படத் தயாராக இருக்கும் சரத்குமார், உரிய பதவி கிடைத்த பின்னரே தவெக உள்ளிட்ட மாற்று அரசியல் கட்சிகளின் வியூகங்கள் குறித்துத் தனது கருத்துகளை முழுமையாகப் பகிர்ந்து கொள்ள விரும்புவதாகவும் அவரது சமீபத்திய பேட்டி உணர்த்துகிறது.