“அடச்சீ நீயெல்லாம் மனுஷியா..?” சொந்த அக்காவுக்கு துரோகம் செய்த தங்கை.. 4 குழந்தைகளுடன் தவிக்கும் பெண்ணின் அவல நிலை.. கண்ணீர் வரவழைக்கும் வீடியோ..!!

பாகிஸ்தானில் குடும்ப உறவுகளுக்குள் நிகழ்ந்துள்ள ஒரு அதிர்ச்சிகரமான திருமண விவகாரம், அங்குள்ள சமூக வலைதளங்களில் பெரும் விவாதத்தையும் கொந்தளிப்பையும் ஏற்படுத்தியுள்ளது. ஒரு நபர் தனது மனைவியை விவாகரத்து செய்யாமலேயே, அவளுடைய சொந்த சகோதரியான தனது மைத்துனியைத் திருமணம் செய்து கொண்டு ஓடிப் போயுள்ளார். சட்டப்படியான விவாகரத்து பெறாமல் இந்த திருமணம் சடங்கை நடத்தி வைத்த மதகுரு மற்றும் இந்த விவகாரத்திற்குக் காரணமானவர்களைக் கண்டறிந்து உடனடியாகக் கைது செய்ய வேண்டும் என்ற கோரிக்கைகள் எழுந்துள்ளன. இந்தச் சம்பவத்தால் நன்கு வாழ்ந்து கொண்டிருந்த ஒரு பெண்ணின் குடும்பம் முற்றிலுமாகச் சீரழிந்துள்ளதோடு, அந்த வீட்டில் உள்ள நான்கு குழந்தைகளின் எதிர்காலம் என்ன என்ற மிகப்பெரிய கேள்வியும் எழுந்துள்ளது.

சமூக வலைதளங்களில் வெளியாகியுள்ள இந்தச் சம்பவம் தொடர்பான வீடியோவில், பாதிக்கப்பட்ட பெண்ணின் அவல நிலை பலரையும் கலங்க வைத்துள்ளது. அதே வேளையில், பாகிஸ்தானைச் சேர்ந்த பிரபல இசுலாமிய அறிஞரான முஃப்தி தாரிக் மசூத் போன்றவர்கள், இந்த விவகாரத்தில் தவறு முற்றிலும் அந்தப் பெண்ணுடையது தான் என்றும், ஒரு ஆண் இரண்டாவது திருமணம் செய்து கொண்டதில் எந்தத் தவறும் இல்லை என்றும் அந்த நபரைக் நியாயப்படுத்தி விரைவில் ஒரு அறிக்கையை வெளியிடக்கூடும் எனப் பலர் விமர்சித்து வருகின்றனர். இத்தகைய முறையற்ற உறவுகள் மற்றும் அவற்றுக்கு வழங்கப்படும் மத ரீதியான முட்டுக்கொடுத்தல்கள் பாகிஸ்தானிய சமூகத்தின் தற்போதைய அவல நிலையைத் தோலுரித்துக் காட்டுவதாக நெட்டிசன்கள் கருத்து தெரிவித்து வருகின்றனர்.