“கல்யாணம் பண்ணலனா குதிச்சிருவேன்” காதலன் வீட்டு மாடியில் ஏறி பெண் செய்த அலப்பறை.. கையை அறுப்பேன் என நடுரோட்டில் மிரட்டிய பெண்..!!

உத்தரப் பிரதேச மாநிலம் குஷிநகரில், திருமண ஆசை காட்டித் தன்னை ஒரு வாலிபர் பாலியல் வன்கொடுமை செய்ததாக இரண்டு வாரங்களுக்கு முன்பு இளம் பெண் ஒருவர் காவல் நிலையத்தில் புகார் அளித்திருந்தார். இந்த நிலையில், இன்று அந்த வாலிபரின் வீட்டிற்குச் சென்ற அந்தப் பெண், தன்னைத் திருமணம் செய்து கொள்ளுமாறு வற்புறுத்தி திடீரென வீட்டின் மொட்டை மாடி மீது ஏறி நின்று கொண்டு தற்கொலை மிரட்டல் விடுக்கத் தொடங்கினார். மாடியிலிருந்து கீழே குதித்து உயிரை மாய்த்துக் கொள்ளப் போவதாகக் கூறி அவர் அந்தப் பகுதியில் பெரும் பரபரப்பை ஏற்படுத்தினார்.

இந்தச் சம்பவம் குறித்துத் தகவல் அறிந்து அப்பகுதிக்கு வந்த காவல்துறையினர், உடனடியாக எந்தவொரு அதிரடி சட்டப்பூர்வ நடவடிக்கையையும் எடுக்காமல் தற்போதைக்கு அமைதி காப்பதாகக் கூறப்படுகிறது. வாலிபரின் வீட்டின் முன்பாகப் பொதுமக்கள் முன்னிலையில் அந்த இளம் பெண் மாடி மீது ஏறி நின்று கொண்டு தொடர் அமளியில் ஈடுபட்டு வரும் இந்தச் சம்பவத்தால், அந்தப் பகுதியில் தற்பொழுது பெரும் பதற்றமும் பரபரப்பான சூழலும் நிலவி வருகிறது.