இனி என்னால் இந்த அடியைத் தாங்க முடியாது..” திருமணமான 3 ஆண்டுகளில் 34 வயது பெண் எடுத்த விபரீத முடிவு.. கணவர் குடும்பத்தின் கொடூர சித்திரவதை கதி கலங்க வைக்கும் பின்னணி..!!

இந்தியாவின் ஜெய்முடா கிராமத்தைச் சேர்ந்த 34 வயதான நீதா என்ற பெண்ணிற்கு கடந்த மூன்று ஆண்டுகளுக்கு முன்பு திருமணம் நடைபெற்றது. இவர்களது திருமண வாழ்க்கை நன்றாகச் சென்று கொண்டிருந்த வேளையில், திருமணமான ஓராண்டிற்குப் பிறகு நீதாவின் குடும்பத்தினர் குறைந்த அளவே வரதட்சணை கொடுத்ததாகக் கூறி அவரது கணவர், மாமனார் மற்றும் மாமியார் ஆகியோர் நீதாவிற்குத் தொல்லை கொடுக்கத் தொடங்கியுள்ளனர்.

கூடுதல் வரதட்சணை கேட்டு கடந்த இரண்டு ஆண்டுகளாக நீதா தினசரி அவமானங்களையும், அடி உதைகளையும் அனுபவித்து வந்துள்ளார். இந்நிலையில், கடந்த சில நாட்களுக்கு முன்பு அவரது கணவர் தனக்கு ஒரு புதிய கார் வாங்கித் தருமாறு நீதாவை வற்புறுத்தி, கடுமையான சித்திரவதைக்கு உள்ளாக்கியுள்ளார். புகுந்த வீட்டாரின் தொடர் அச்சுறுத்தல்களையும், அடி உதைகளையும் தாங்க முடியாத நீதா, மனமுடைந்து தனது வீட்டிற்குள்ளேயே தூக்கிட்டுத் தற்கொலை செய்துகொண்டார்.

இச்சம்பவம் குறித்துத் தகவல் அறிந்த போலீசார், தற்கொலைக்குத் தூண்டுதல் மற்றும் மிரட்டிப் பணம் பறித்தல் ஆகிய பிரிவுகளின் கீழ் வழக்குப் பதிவு செய்து நீதாவின் கணவர், மாமனார், மாமியார் உள்ளிட்ட அவரது குடும்பத்தைச் சேர்ந்த பலரைக் கைது செய்துள்ளனர். வரதட்சணைக் கொடுமைகளால் பல பெண்கள் தங்களின் இன்னுயிரை மாய்த்துக் கொள்ளும் அவலம் தொடர்வதால், இந்திய அரசு வரதட்சணைக்கு என்று ஒரு குறிப்பிட்ட உச்சவரம்பை நிர்ணயித்து, அதை மீறுவதைத் தடை செய்ய வேண்டும் என்ற கோரிக்கைகளும் வலுத்து வருகின்றன.