CRIME
“”என் மகளை விஷம் வச்சு..” மதியம் 1 மணிக்கு வீட்டின் உள்ளே இருந்த பகீர் காட்சி.. 22 வயது புதுப்பெண்ணுக்கு நேர்ந்த கொடூரம்.. பெற்றோர் பரபரப்பு குற்றசாட்டு..!!
உத்தரப் பிரதேச மாநிலம் பிரோசாபாத் மாவட்டம் நர்ஹி காவல் நிலைய எல்லைக்குட்பட்ட ருதாவ் பஹாத்பூர் கிராமத்தில், திருமணமான பெண்கள் தங்களின் கணவரின் நீண்ட ஆயுளுக்காகக் கொண்டாடும் புனிதமான கர்வா சௌத்பண்டிகை நாளன்றே, 22 வயதான காஜல் என்ற இளம் பெண் தூக்கில் பிணமாக மீட்கப்பட்ட அதிர்ச்சிச் சம்பவம் அரங்கேறியுள்ளது. கடந்த வியாழக்கிழமை மதியம் சுமார் 1 மணி அளவில் காஜலின் உடல் வீட்டில் தூக்கில் தொங்கிய நிலையில் கண்டெடுக்கப்பட்டது. இந்தத் துயரச் செய்தி கேட்டு சம்பவ இடத்திற்கு விரைந்து வந்த அவரது பெற்றோரும் உறவினர்களும் காஜலின் உடலைப் பார்த்து ஓவென்று கதறி அழுதது அங்கிருந்தவர்களைக் கண் கலங்க வைத்தது.
காஜலின் கணவர் கிரிபால் சிங் மற்றும் அவரது மாமியார் ஆகிய இருவரும்தான் இந்த மரணத்திற்கு முக்கியக் காரணம் என்று காஜலின் பெற்றோர் தரப்பில் கடுமையான குற்றச்சாட்டுகள் முன்வைக்கப்பட்டுள்ளன. காஜலைத் தொடர்ந்து அவர்கள் வரதட்சணை கேட்டு சித்திரவதை செய்து வந்ததாகவும், தூக்கில் தொங்கவிடுவதற்கு முன்பு அவளுக்குக் விஷம் கொடுத்துக் கொடூரமாகக் கொன்றிருக்கலாம் என்றும் உறவினர்கள் சந்தேகிக்கின்றனர். தகவலறிந்து வந்த நர்ஹி போலீசார் காஜலின் உடலைக் கைப்பற்றிப் பிரேதப் பரிசோதனைக்காக அனுப்பி வைத்துள்ளனர். இந்த வரதட்சணைக் கொடுமை மற்றும் விஷம் வைக்கப்பட்டதாகக் கூறப்படும் புகார்கள் குறித்துப் போலீசார் தீவிர விசாரணை நடத்தி வரும் நிலையில், பிரேதப் பரிசோதனை அறிக்கை வந்த பிறகே இது கொலையா அல்லது தற்கொலையா என்ற உண்மை முழுமையாகத் தெரியவரும் என அதிகாரிகள் தெரிவித்துள்ளனர்.
