“இப்படியும் மனிதர்களா..?” கைகள் அழுகிய நிலையிலும் நதியை சுத்தம் செய்யயும் 21 வயது வாலிபர்.. மக்கள் கொடுத்த அதிர்ச்சிப் பரிசு.. பரபரப்பு பின்னணி..!!

மத்திய பிரதேச மாநிலம் ராஜ்கர் மாவட்டத்தைச் சேர்ந்த 21 வயதான சுரேந்திர சிங் சவுத்ரி, பிரபலமாக ‘பிட்டு தபாகி’ என்று அழைக்கப்படும் இளம் சுற்றுச்சூழல் ஆர்வலர், கடந்த ஜனவரி 26 முதல் எவ்வித அரசு உதவியோ அல்லது நிதிப்பங்களிப்போ இன்றி அஜ்னார் நதியை ஒற்றை ஆளாக தூய்மைப்படுத்தும் பணியில் ஈடுபட்டு வருகிறார். நதியில் பல மாதங்களாக தேங்கியிருந்த பிளாஸ்டிக் கழிவுகள் மற்றும் நச்சுப் பொருட்களைத் தனது சொந்தப் பணத்தில் வாங்கிய பைகளைக் கொண்டு வெறும் கைகளால் அகற்றி அசாத்திய சாதனை படைத்தார். ஆனால், போதிய பாதுகாப்பு உபகரணங்கள் இல்லாமல் நச்சுத்தன்மை வாய்ந்த கழிவுநீரிலும், அழுகிய குப்பைகளிலும் தொடர்ந்து வேலை செய்ததால், அவரது கைகள் மற்றும் கால்களில் கடுமையான தோல் உரிதல், தடிப்புகள் மற்றும் கொப்புளங்கள் போன்ற தீவிரமான தோல் நோய்த்தொற்றுகளால் பாதிக்கப்பட்டுள்ளார். மகனின் உடல்நிலை மோசமடைந்து வருவதால் பணியை நிறுத்துமாறு பெற்றோர் கேட்டுக்கொண்ட போதிலும், நதியை மீட்டெடுக்கும் தனது உறுதியான லட்சியத்திலிருந்து அவர் பின்வாங்க மறுக்கிறார்.

இவரது இந்த தன்னலமற்ற அர்ப்பணிப்புக்கு இடையே, ஒருபுறம் பிட்டு தபாகி நதியை இரவு பகலாக சுத்தப்படுத்தி வர, மறுபுறம் அப்பகுதி மக்கள் தூய்மைப்படுத்தப்பட்ட அதே நதிப்பகுதியில் மீண்டும் குப்பைகளைக் கொட்டி வருவது மிகுந்த வேதனையை ஏற்படுத்தியுள்ளது. மக்கள் குப்பைகளை பொறுப்புடன் போடுவதற்காக அவர் தனது சொந்தச் செலவில் நதிக்கரையில் வைத்த குப்பைத் தொட்டிகளில் ஒன்று கூட ஒரே நாளில் திருடப்பட்டது பெரும் ஏமாற்றத்தை தந்தது. எட்டு மாதங்களாக அவர் எடுத்த அத்தனை முயற்சிகளும் மக்களின் பொதுநல உணர்வற்ற செயலால் சில வாரங்களிலேயே வீணடிக்கப்பட்டாலும், அவர் மீண்டும் நதியை சுத்தம் செய்யத் தொடங்கியுள்ளார். நதியை மாசுபடுத்தும் கழிவுநீர் ஓடைகளைத் தடுக்கவும், பிட்டு தபாகி போன்ற சமூக ஆர்வலர்களின் உழைப்பைப் பாதுகாக்கவும் நகராட்சி நிர்வாகம் தற்போது ரூ. 14.77 கோடி மதிப்பீட்டில் கழிவுநீர் சுத்திகரிப்பு நிலையம் (STP) அமைக்க திட்டமிட்டு வருகிறது