விளிம்பில் மரணம்… கையில் மொபைல்… உயிரை பணயம் வைத்து போன் பார்க்கும் சிறுவன்… சமூக வலைத்தளங்களில் வைரலாகும் ஆபத்தான காட்சி…!!

தற்போது சமூக வலைத்தளங்களில் ஒரு அதிர்ச்சியூட்டும் வீடியோ வேகமாகப் பரவி வருகிறது. அதில், ஒரு சிறுவன் தனது வீட்டின் மொட்டை மாடிச் சுவரையொட்டி மிக அதிக உயரத்தில் கட்டப்பட்டிருக்கும் ஒரு மூங்கில் கம்பின் மீது எவ்விதப் பயமும் இல்லாமல் அமர்ந்திருக்கிறான். சுற்றியிருக்கும் ஆபத்தை சற்றும் உணராமல், அவன் முழு கவனத்தையும் மொபைல் போன் திரையிலேயே வைத்திருப்பது பார்ப்போரை உறைய வைத்துள்ளது.

அந்த வீடியோவில், அச்சிறுவன் கீழே விழுந்தால் என்னவாகும் என்ற சிறு பயம்கூட இல்லாமல், தன் கைப்பேசியில் ஏதோ ஒரு விஷயத்தை மிகத் தீவிரமாகப் பார்த்துக்கொண்டிருக்கிறான். சமநிலை சற்றே தவறினாலும் பெரும் விபத்து ஏற்படும் அபாயம் உள்ள சூழலிலும், அவன் ஒருமுறை கூட கீழே பார்க்காமல் போனில் மூழ்கியிருப்பது, இன்றைய காலக் குழந்தைகளிடம் அதிகரித்துவரும் மொபைல் போன் அடிமைத்தனத்தை அப்பட்டமாகக் காட்டுகிறது.

https://twitter.com/i/status/2069228699887804582

இந்த வீடியோ சமூக ஊடகங்களில் பெரும் விவாதத்தைக் கிளப்பியுள்ளது. இதைப் பார்த்த நெட்டிசன்கள் பலரும், குழந்தைகளுக்கு மொபைல் போன் தருவது தவறில்லை என்றாலும், அவர்கள் அதை எங்கு, எப்படிப் பயன்படுத்துகிறார்கள் என்பதைப் பெற்றோர்கள் எப்போதும் கண்காணிக்க வேண்டும் என்று எச்சரித்து வருகின்றனர். @KUNDAN00PATEL என்ற எக்ஸ் (ட்விட்டர்) கணக்கில் பகிரப்பட்ட இந்த வீடியோ, குழந்தைகளின் பாதுகாப்பு குறித்து பெற்றோர்களுக்கு ஒரு முக்கியப் பாடமாக அமைந்துள்ளது.