“ஒத்தைக்கு ஒத்த வாடா மோதிப்பாக்கலாம் ” யானையை மிரட்டிய தைரியமான எருமைக்குட்டி… இணையத்தில் வைரலாகும் அசத்தல் வீடியோ..!!

சமூக வலைதளங்களில் வைரலாகி வரும் ஒரு வீடியோவில், எருமை மாட்டின் குட்டி ஒன்று தன்னை விடப் பல மடங்கு பெரிய மற்றும் பலம் வாய்ந்த யானையைக் கண்டு சிறிதும் அஞ்சாமல், அதை நோக்கித் தைரியமாக நடந்து சென்று மோதலுக்கு அழைப்பது போல் சவால் விடுகிறது. யானை தன் பாட்டில் பாதையில் நடந்து செல்லும்போது, இந்தச் சிறிய குட்டி எருமை குறுக்கே வந்து நின்று எதிர்த்து நிற்கிறது.

எருமைக்குட்டியின் இந்தத் துணிச்சலான நடவடிக்கையைக் கண்டு யானை கோபமடையாமல், அமைதியாகச் சற்று பின்வாங்கிச் செல்கிறது. எனினும், அந்தத் தைரியமான குட்டி எருமை யானையைத் தொடர்ந்து பின் தொடர்ந்து செல்ல முற்படுகிறது. சிறிய குட்டிக்குத் தன் எதிரில் நிற்பது எவ்வளவு பெரிய ஆபத்தான விலங்கு என்பது புரியாமல் தொடர்ந்து முன்னேறுகிறது.

இச்சம்பவத்தைக் கவனித்த எருமைக்குட்டியின் தாய், உடனடியாக அங்கு வந்து தன் குட்டியைத் தடுத்து நிறுத்தித் தன்னுடன் அழைத்துச் செல்கிறது. யானையும் எந்தவிதமான கோபமும் காட்டாமல் அமைதியாகத் தன் வழியே கடந்து செல்கிறது. இந்த வீடியோ இணையவாசிகளிடையே மிகுந்த வரவேற்பைப் பெற்று நகைச்சுவையையும் ஆச்சரியத்தையும் ஏற்படுத்தி வருகிறது.