அடப்பாவி..! திருமண ஆசைகாட்டி ஏமாற்றிவிட்டு.. காதலியை கொன்று சடலத்தை ஆற்றில் வீசிய அரசு அதிகாரி… திடுக்கிடவைக்கும் சம்பவத்தின் பின்னணி..!!

உத்தரப் பிரதேச மாநிலம் ஆக்ராவின் எம்.எம். கேட் காவல் எல்லைக்கு உட்பட்ட பகுதியிலிருந்து கடந்த செப்டம்பர் 29 அன்று காணாமல் போன இளம் பெண்ணின் சடலம், எடாவா பகுதியின் யமுனை நதியில் கண்டெடுக்கப்பட்டுள்ளது. பதேஹாபாத் தஹசீலில் கிராம நிர்வாக அலுவலராக (லேக்பால்) பணியாற்றி வரும் சிவஜித் பதௌரியா என்பவருடன் அந்தப் பெண்ணிற்குத் தொடர்பு இருந்தது தெரியவந்துள்ளது. திருமண உறுதிமொழி அளித்திருந்த லேக்பாலுக்கு வேறு பெண்ணுடன் திருமணமாகியதால் இருவருக்கும் இடையே தகராறு ஏற்பட்டுள்ளது.

காவல்துறையினரின் விசாரணையில், செப்டம்பர் 30 அன்று அப்பெண் தனது அறைக்கு வந்து தூக்கிட்டுத் தற்கொலை செய்து கொண்டதாகவும், பயத்தில் அவரது உடலைக் காரில் எடுத்துச் சென்று யமுனை நதியில் வீசியதாகவும் லேக்பால் சிவஜித் ஒப்புக்கொண்டுள்ளார். இதனையடுத்து, செவ்வாய்க்கிழமை அன்று எடாவாவில் உள்ள மிஹோலி கிராமத்து யமுனை நதிக்கரையில் இருந்து காவல்துறையினர் அப்பெண்ணின் உடலைக் கைப்பற்றினர்.

இச்சம்பவம் தொடர்பாகக் கடத்தல், தற்கொலைக்குத் தூண்டுதல் மற்றும் ஆதாரங்களை அழித்தல் ஆகிய பிரிவுகளின் கீழ் வழக்குப்பதிவு செய்து, லேக்பால் சிவஜித் பதௌரியாவை காவல்துறையினர் கைது செய்து சிறையில் அடைத்துள்ளனர். பிரேதப் பரிசோதனை அறிக்கையின் அடிப்படையில், இது கொலையா என்ற கோணத்திலும் விசாரணை தீவிரப்படுத்தப்பட்டு, தற்கொலை வழக்கைக் கொலை வழக்காக மாற்ற நடவடிக்கைகள் எடுக்கப்பட்டு வருகின்றன.