“வெளியே போடி..!” புகார் கொடுக்க வந்த ஆதரவற்ற பெண்… போலீஸ் செய்த பகீர் காரியம்.. கண்ணீர் விட்டு கதறும் ஏழை பெண்..!!

உத்தரப் பிரதேச மாநிலம் ஃபரூக்காபாத்மாவட்டத்தைச் சேர்ந்த வர்ஷா என்ற கைம்பெண், தனக்கு நேர்ந்த அநீதி குறித்து உள்ளூர் காவல் நிலையத்தில் புகார் அளித்தும் எந்தவித விசாரணையும் நடத்தப்படவில்லை என்ற அதிர்ச்சிச் செய்தி வெளியாகியுள்ளது. கிராமத்தில் உள்ள சில செல்வாக்குமிக்க ரவுடி கும்பலைச் சேர்ந்த நபர்கள், வர்ஷாவைத் தனது சொந்த நிலத்தில் வீடு கட்டவிடாமல் தடுத்து வருவதோடு, அவரை மிகக் கொடூரமான முறையில் ஆபாசமாகப் பேசி, கொலை மிரட்டலும் விடுத்துள்ளனர். இதனால் அச்சமடைந்த அந்தப் பெண் நீதி கேட்டு உள்ளூர் காவல் நிலையத்திற்குச் சென்றபோது, அங்கிருந்த நிலைய அதிகாரி அவரை அவமரியாதையாகப் பேசி, காவல் நிலையத்தை விட்டு வெளியே துரத்தியதாகக் கடுமையான குற்றச்சாட்டு எழுந்துள்ளது.

பாதிக்கப்பட்ட பெண்ணுக்கு நியாயம் வழங்குவதற்குப் பதிலாக, காவல்துறையினரே அவரைத் திருப்பி அனுப்பிய செயல் சமூக வலைத்தளங்களில் பெரும் கொந்தளிப்பை ஏற்படுத்தியுள்ளது. ஆதரவற்ற, ஏழை மற்றும் பலவீனமான ஒரு கைம்பெண் தனக்கு நேர்ந்த கொடுமைகளுக்கு நீதி கிடைக்காமல் இப்போது யாரிடம் சென்று முறையிடுவார் என்ற ஆதங்கக் கேள்வி எழுந்துள்ளது. இந்த விவகாரத்தில் உத்தரப் பிரதேச மாநிலக் காவல்துறை உடனடியாகத் தலையிட்டு, வர்ஷாவை மிரட்டிய அந்த ஊர் ரவுடிகள் மீதும், புகார் எடுக்க மறுத்த அலட்சியப் போக்குடன் நடந்துகொண்ட காவல் அதிகாரி மீதும் கடுமையான சட்ட நடவடிக்கை எடுக்க வேண்டும் எனப் பலரும் சமூக ஊடகங்கள் வாயிலாக வலியுறுத்தி வருகின்றனர்.