“அய்யயோ… உடலில் தீப்பற்றி எரிய அலறியபடி ஓடிவந்த தாய்..” மாற்றாந்தாய் மகனின் கொடூர செயல்.. நெஞ்சை உலுக்கும் பின்னணி..!!

ஜம்மு காஷ்மீரின் உதம்பூர் பகுதியில், 40 வயது பெண்ணை அவரது மாற்றாந்தாய் மகன் டீசல் ஊற்றி தீ வைத்த கொடூர சம்பவத்தில், படுகாயமடைந்த அந்தப் பெண் ஜம்மு அரசு மருத்துவக் கல்லூரி மருத்துவமனையில் சிகிச்சை பலனின்றி பரிதாபமாக உயிரிழந்தார். உதம்பூர் ஹவுசிங் காலனியைச் சேர்ந்த கேசவ் வர்மா என்பவரின் மனைவி சுஷ்மா தேவி என்பவரே இவ்வாறு கொல்லப்பட்டவர் ஆவார். கடந்த புதன்கிழமை மாலையில் அவரது மாற்றாந்தாய் மகனான மோக்ஷ் வர்மா வீட்டில் வைத்து சுஷ்மா தேவி மீது டீசலை ஊற்றி கொடூரமாக தீ வைத்துள்ளார். இதில் அவரது உடல் 70 சதவீதத்திற்கும் மேல் கருகியது. இந்த பயங்கர சம்பவத்தின் போது அந்தப் பெண் உடலில் தீப்பற்றி எரிய அலறியபடி வீட்டை விட்டு வெளியே ஓடி வருவதும், அக்கம் பக்கத்தினர் தீயை அணைக்கப் போராடுவதும் போன்ற திடுக்கிடும் சிசிடிவி காட்சிகள் வெளியாகி அப்பகுதியில் பெரும் அதிர்ச்சியை ஏற்படுத்தியுள்ளது.

இதையடுத்து உடனடியாக மீட்கப்பட்ட அவர் உதம்பூர் மாவட்ட மருத்துவமனைக்குக் கொண்டு செல்லப்பட்டு, பின்னர் நிலைமை கவலைக்கிடமாக இருந்ததால் ஜம்மு அரசு மருத்துவக் கல்லூரி மருத்துவமனைக்கு மாற்றப்பட்டார். அங்கு தீவிர சிகிச்சை அளிக்கப்பட்ட போதிலும், நேற்று நள்ளிரவில் அவர் சிகிச்சை பலனின்றி உயிரிழந்தார். இச்சம்பவம் குறித்து வழக்குப் பதிவு செய்துள்ள உதம்பூர் போலீசார், குற்றவாளியான மாற்றாந்தாய் மகன் மோக்ஷ் வர்மாவை அதிரடியாகக் கைது செய்து காவலில் எடுத்துள்ளனர். அவர் எதற்காக தனது மாற்றாந்தாயைக் கொடூரமாகக் கொலை செய்தார் என்ற நோக்கம் குறித்து போலீசார் தீவிர விசாரணை நடத்தி வருவதுடன், இந்த வழக்கின் முக்கிய ஆதாரமாக மாறியுள்ள அந்த வீடியோ காட்சியையும் ஆய்வு செய்து வருகின்றனர்.