“ஹைதராபாத்தில் பயங்கரம்.. நண்பர்கள் சேர்ந்தே போட்ட ஸ்கெட்ச்..” 32 வயது வாலிபருக்கு நேர்ந்த கொடூரம்…பின்னணியில் இருக்கும் ‘அந்த’ ரகசியம்.. நடுங்க வைக்கும் சிசிடிவி காட்சிகள்..!!

ஹைதராபாத் ராஜேந்திரநகர் காவல் நிலைய எல்லைக்குட்பட்ட உப்பர்பள்ளி பகுதியில், முகமது வசீம் என்ற 32 வயது வாலிபர் அவரது கூட்டாளிகள் இருவரால் கத்தியால் குத்தி கொடூரமாகக் கொலை செய்யப்பட்ட அதிர்ச்சிச் சம்பவம் அரங்கேறியுள்ளது . இந்தத் திட்டமிட்ட படுகொலைச் சம்பவத்திற்குப் பின்னால் சட்டவிரோதப் போதைப்பொருள் கடத்தல் மற்றும் அது தொடர்பான பணப் பரிவர்த்தனை விவகாரத்தில் ஏற்பட்ட மோதலே முக்கியக் காரணம் என ஹைதராபாத் காவல்துறையினர் வலுவாகச் சந்தேகிக்கின்றனர்.

இக்கொடூரக் கொலைச் சம்பவம் குறித்து வழக்குப் பதிவு செய்துள்ள ராஜேந்திரநகர் போலீஸார், சம்பவ இடத்தில் இருந்த கண்காணிப்பு கேமரா காட்சிகளைத் தீவிரமாக ஆய்வு செய்து வருகின்றனர். மேலும், கொலையைச் செய்துவிட்டுத் தலைமறைவாக உள்ள அந்த இரண்டு முக்கியக் குற்றவாளிகளையும் விரைந்து வளைத்துப் பிடிப்பதற்காகச் சிறப்புப் படைகள் அமைக்கப்பட்டுத் தீவிரத் தேடுதல் வேட்டை முடுக்கிவிடப்பட்டுள்ளது. அடுத்தடுத்து அரங்கேறும் இத்தகைய வன்முறைச் சம்பவங்களால் ஹைதராபாத் நகரின் சட்டம் ஒழுங்கு குறித்து அப்பகுதி பொதுமக்களிடையே கடுமையான அச்சமும் பரப்பரப்பும் நிலவி வருகிறது.