LATEST NEWS
“ராகுல் காந்திதான் ரோல் மாடலா..? அப்போ கல்யாணத்துக்கு நோ…!” ரூ.40 லட்சம் சம்பளம் வாங்கும் மாப்பிள்ளையை நிராகரித்த 18 வயது இளம் பெண்..! வைரலாகும் ஆருஹி ரெட்டியின் பதிவு..!!
சமூக ஊடகமான ‘X’ தளத்தில் விசித்திரமான காரணம் ஒன்றுக்காக திருமண வரனைப் பெண் ஒருவர் நிராகரித்ததாகப் பகிரப்பட்ட பதிவு ஒன்று வைரலாகி வருகிறது. தான் ஒரு இளம் பெண் எனக் கூறிக்கொள்ளும் அந்தப் பயனர், ஆண்டிற்கு ரூ.40 லட்சம் சம்பாதிக்கும், நல்ல தோற்றமும், நல்ல குடும்பப் பின்னணியும் கொண்ட ஒரு மாப்பிள்ளையின் திருமண வரனைத் தான் நிராகரித்துவிட்டதாகப் பதிவிட்டுள்ளார். அந்த நபர் மக்களவை எதிர்க்கட்சித் தலைவர் ராகுல் காந்தியைத் தனது முன்மாதிரியாகக் கருதியதே இந்த நிராகரிப்பிற்கான ஒரே காரணம் என்றும் அவர் குறிப்பிட்டுள்ளார்.
“ஆருஹி ரெட்டி” என்ற பெயரைக் கொண்ட சரிபார்க்கப்பட்ட ‘X’ கணக்கில் இந்தப் பதிவு வெளியிடப்பட்டுள்ளது. அதில், “எனக்கு சமீபத்தில் ஒரு திருமண வரன் வந்தது. அந்த நபர் பார்க்க மிகவும் அழகாகவும், ஆண்டுக்கு ரூ.40 லட்சம் என்ற ஈர்க்கக்கூடிய பேக்கேஜ் உடனும், நல்ல குடும்பத்தைச் சேர்ந்தவராகவும் இருந்தார். ஆனால் ஒரே ஒரு காரணத்திற்காக அவரை நிராகரித்தேன்—அவரது இன்ஸ்டாகிராம் பக்கத்தில், அவர் ராகுல் காந்தியைத் தன் முன்மாதிரியாக ஏற்றுக்கொண்டிருப்பதைப் பார்த்தேன்” என்று எழுதியுள்ளார்.
மேலும் அந்தப் பயனர், “ஒரு பெருமைமிக்க தேசியவாத இந்துவாக, எப்போதும் தோற்றுப்போகும் ஒருவரை முன்மாதிரியாகக் கொண்ட ஒருவரை என்னால் என் வாழ்க்கைத் துணையாக ஏற்றுக்கொள்ளவே முடியாது” என்று தனக்குத்தானே நியாயம் கற்பித்துள்ளார். இத்துடன், தனக்குக் கடந்த மாதம்தான் 18 வயது முடிந்தது என்பதையும் அந்தப் பதிவின் பின்னூட்டத்தில் அவர் உறுதிப்படுத்தியுள்ளார். இந்த விசித்திரமான பதிவு சமூக வலைதளங்களில் பயனர்களிடையே பெரும் விவாதத்தையும் கவனத்தையும் ஈர்த்துள்ளது.
