பகீர்..! ஸ்கூலுக்கு போறேன்னு சென்ற மகன்.. சந்தேகத்தில் பின்னாலேயே சென்ற பெற்றோருக்கு காத்திருந்த பேரதிர்ச்சி.. இதுக்காகவா உன்ன பெத்தேன்..? கதறும் தாய்..!!

டெல்லியைச் சேர்ந்த 18 வயது பள்ளி மாணவன் ஒருவன், தீய நண்பர்களின் சகவாசத்தால் போதைப்பொருள் பழக்கத்திற்கு அடிமையாகி, பெற்றோருக்குத் தெரியாமல் ஏமாற்றி வந்த சோகச் சம்பவம் சமூக வலைதளங்களில் பெரும் பரபரப்பை ஏற்படுத்தியதோடு, தற்போதைய இளைய தலைமுறையினரின் வாழ்க்கை முறை குறித்த விவாதத்தையும் தூண்டியுள்ளது. விகாஸ் நகர் பகுதியில் மளிகைக் கடை நடத்தி வரும் ஒருவரின் மகனான இம்மாணவன், 12ஆம் வகுப்பு படித்து வருகிறான். கடந்த சில நாட்களாகத் தினமும் சீருடை அணிந்து பள்ளிக்குச் செல்வதாகக் கூறிவிட்டு, நண்பர்களுடன் சேர்ந்து கொண்டு போதை தரும் பழக்கங்களில் ஈடுபட்டு வந்துள்ளான்.

மகனின் அன்றாட நடத்தையில் திடீரென ஏற்பட்ட மாற்றங்களைக் கவனித்த தந்தை, அவனது நடவடிக்கைகளில் கடுமையான சந்தேகமடைந்தார். இதையடுத்து, உள்ளூரைச் சேர்ந்த சில பெரியவர்களின் உதவியை நாடிய தந்தை, ஒருநாள் வழக்கம்போல மாணவன் பள்ளிக்குச் செல்வதாகக் கூறி வீட்டைவிட்டு வெளியேறியதும், அவனுக்குத் தெரியாமல் ரகசியமாகப் பின்தொடர்ந்து சென்று கண்காணித்துள்ளார். அப்போது, மகன் பள்ளிக்குச் செல்லாமல் போதை கும்பலுடன் சேர்ந்திருப்பதை நேரில் கண்டு அதிர்ச்சியில் உறைந்து போயுள்ளார்.

இன்றைய காலகட்டத்தில் பள்ளி மற்றும் கல்லூரி செல்லும் பிள்ளைகளின் மீது பெற்றோர் எப்போதும் ஒரு கண் வைத்திருக்க வேண்டியதன் அவசியத்தை இந்தச் சம்பவம் மிக ஆழமாக உணர்த்தியுள்ளது. சமூக வலைதளங்களில் இந்த விவகாரம் வைரலானதைத் தொடர்ந்து, பிள்ளைகளின் நண்பர்கள் வட்டம் யார் என்பதைப் பெற்றோர் கண்காணிக்க வேண்டும் என்றும், போதை கலாச்சாரத்திலிருந்து குழந்தைகளைப் பாதுகாக்கப் பள்ளிகளிலும் விழிப்புணர்வு ஏற்படுத்த வேண்டும் என்றும் நெட்டிசன்கள் தங்களது கருத்துக்களைத் தீவிரமாகப் பகிர்ந்து வருகின்றனர்.