“என்னை ஏமாத்திட்டா..! என் சாவுக்கு அவதான் காரணம்… அவளையும் அவ குடும்பத்தையும் சும்மா விடாதீங்க..!” இன்ஸ்டாவில் பகீர் வீடியோவை வெளியிட்டு வாலிபர் தற்கொலை… சடலத்துடன் காவல் நிலையத்தை முற்றுகையிட்ட குடும்பத்தினரால் பெரும் பரபரப்பு..!!

மத்தியப் பிரதேச மாநிலம் சிவ்னி மாவட்டத்தில், தற்கொலைக்குக் காரணமான பெண் மீது நடவடிக்கை எடுக்கக் கோரி இளைஞரின் குடும்பத்தினர் காவல் நிலையத்தை முற்றுகையிட்ட சம்பவம் பெரும் பரபரப்பை ஏற்படுத்தியுள்ளது. கொட்வாலி காவல் நிலைய எல்லைக்குட்பட்ட கடங்கி நாகா பகுதியைச் சேர்ந்த கபில் பலாவி என்ற இளைஞர் தூக்கிட்டு தற்கொலை செய்து கொண்டார். உயிரிழப்பதற்கு முன்பாக சமூக வலைதளத்தில் அவர் வெளியிட்ட வீடியோவில், தன்னுடைய முன்னாள் காதலி தன்னை ஏமாற்றிவிட்டதாகவும், தனது இந்த முடிவுக்கு அவரே காரணம் என்றும் கடுமையான குற்றச்சாட்டுகளை முன்வைத்துள்ளார்.

குடும்பத்தினரின் கூற்றுப்படி, கபிலுக்கும் அந்தப் பெண்ணுக்கும் இடையே காதல் தொடர்பு இருந்துள்ளதுடன், இருவரும் காயத்ரி கோவிலில் திருமணம் செய்து கொண்டதாகவும் கூறப்படுகிறது. ஆனால், சில காலத்திற்குப் பிறகு அந்தப் பெண் கபிலை விட்டுப் பிரிந்து சென்றுவிட்டதால், அவர் கடும் மன உளைச்சலுக்கும் மன அழுத்தத்திற்கும் ஆளாகியுள்ளார். இந்தத் தகராறு மற்றும் மன அழுத்தத்தின் காரணமாகவே கபில் இத்தகைய தீவிர முடிவை எடுத்ததாகக் குடும்பத்தினர் குற்றம் சாட்டுகின்றனர். வீடியோவில் அந்தப் பெண் மற்றும் அவரது குடும்பத்தினர் குறித்தும் பல்வேறு குற்றச்சாட்டுகள் சுமத்தப்பட்டுள்ளன.

இளைஞரின் தற்கொலைச் செய்தி அறிந்ததும் அதிர்ச்சியடைந்த குடும்பத்தினர், அவரது சடலத்துடன் வாகனத்தில் கொட்வாலி காவல் நிலையத்தை அடைந்து, சம்பந்தப்பட்ட பெண் மற்றும் அவரது குடும்பத்தினர் மீது உடனடியாகக் காவல் துறை நடவடிக்கை எடுக்க வேண்டும் என வலியுறுத்திப் போராட்டத்தில் ஈடுபட்டனர். இதனால் காவல் நிலையத்தில் சிறிது நேரம் பதற்றம் நிலவியது. தகவலறிந்து வந்த உயர் காவல் துறை அதிகாரிகள் குடும்பத்தினரிடம் பேச்சுவார்த்தை நடத்தி, வீடியோ ஆதாரம் மற்றும் அனைத்துக் கோணங்களிலும் நியாயமான விசாரணை நடத்தப்படும் என உறுதி அளித்ததைத் தொடர்ந்து குடும்பத்தினர் சடலத்துடன் திரும்பிச் சென்றனர்.