LATEST NEWS
“நாங்க மூணு பேரும் சம்மதிச்சுதான்…” ஒரே மேடையில் 2 பெண்களை கட்டிய வாலிபர்.. இணையத்தை உலுக்கும் விசித்திரக் கல்யாணம்..!!
சமூக வலைத்தளங்களில் வைரலாகி வரும் ஒரு வியக்கத்தக்க காணொளி, ஒரே வாலிபரை இரண்டு பெண்கள் காதலித்து, ஒரே நேரத்தில் திருமணம் செய்து கொண்டு மகிழ்ச்சியாக வாழ்ந்து வரும் ஒரு வினோதமான கதையை வெளிச்சத்திற்கு கொண்டு வந்துள்ளது. இந்த வாலிபர் கீதா மற்றும் பபிதா ஆகிய இரு பெண்களையும் கடந்த 6 ஆண்டுகளாக ஒரே நேரத்தில் காதலித்து வந்துள்ளார். ஆச்சரியப்படும் விதமாக, அந்த இரண்டு பெண்களும் இந்த வாலிபரை உயிருக்கு உயிராகக் காதலித்துள்ளனர். குடும்பத்தினரின் எதிர்ப்புக் காரணமாக, இரண்டு பெண்களுமே தங்களின் சொந்த விருப்பத்தின் பேரில் இந்த வாலிபருடன் வீட்டை விட்டு ஓடிவந்துள்ளனர். அதன் பின்னர், ஒரே மேடையில் இருவரையும் அந்த வாலிபர் முறைப்படி திருமணம் செய்து கொண்டதுடன், தற்பொழுது இந்த இரண்டு மனைவிகளும் தங்களின் ஒரே கணவருக்காக ஒன்றிணைந்து ‘கர்வா சௌத்’ பண்டிகையைக் கொண்டாடியுள்ளனர்.
நாங்கள் மூன்று பேருமே சட்டப்பூர்வமாகப் பருவமடைந்தவர்கள் என்றும், தங்களின் சொந்த விருப்பத்தின் பேரிலேயே இந்த வாழ்க்கையைத் தேர்ந்தெடுத்து மிகவும் மகிழ்ச்சியாக வாழ்ந்து வருவதாகவும் அவர்கள் தெரிவித்துள்ளனர். எனவே, தங்களின் குடும்பத்தினரோ அல்லது காவல்துறையினரோ தங்களுக்கு எதிராக எந்தவொரு வழக்கோ அல்லது தொந்தரவோ செய்யக் கூடாது என்று அவர்கள் கூட்டாகக் கோரிக்கை விடுத்துள்ளனர். இந்தச் சம்பவம் நெட்டிசன்களிடையே பெரும் விவாதத்தையும் வியப்பையும் ஏற்படுத்தியுள்ள நிலையில், இந்த வாலிபரின் நண்பர்கள், “இவன் காதலித்து இரண்டு பேரைத் தூக்கிக் கொண்டு ஓடிவிட்டான், தேவையில்லாமல் இந்த விவகாரத்தில் நமது பெயரையும் இழுத்துவிட்டு விட்டானே” என்று தங்களுக்குள் புலம்பித் தவிப்பதாக நகைச்சுவையான கருத்துகளும் இணையத்தில் பரவி வருகின்றன.
