ஜனாதிபதி முர்முவை திடீரென சந்தித்த அமித்ஷா.. பின்னணியில் இருக்கும் ‘அந்த’ ரகசியம்.. அதிரும் டெல்லி அரசியல்..!!

புதுடெல்லியில் குடியரசுத் தலைவர் திரௌபதி முர்முவை மத்திய உள்துறை அமைச்சர் அமித் ஷா திடீரென சந்தித்துப் பேசிய நிகழ்வு, தேசிய அரசியலில் பெரும் பர பரப்பையும் பல்வேறு விவாதங்களையும் கிளப்பியுள்ளது. இந்த திடீர் சந்திப்பைத் தொடர்ந்து, மத்திய அமைச்சரவையில் மிக விரைவில் அதிரடியான மாற்றங்கள் மற்றும் விரிவாக்கங்கள் செய்யப்படலாம் என அரசியல் வட்டாரத்தில் ஒரு தரப்பினர் வலுவாகக் கூறி வருகின்றனர். அதே வேளையில், சில மாநிலங்களின் ஆளுநர்கள் மாற்றம் அல்லது நாடு தழுவிய மக்கள் தொகை கணக்கெடுப்பைத் தொடங்குவதில் உள்ள சட்ட சிக்கல்கள் குறித்து ஆலோசிப்பதற்காகவே இந்த சந்திப்பு நிகழ்ந்திருக்கலாம் என மற்றொரு தரப்பு கருத்து தெரிவித்து வருகிறது.

எதிர்பாராத இந்த உயர்மட்டச் சந்திப்பின் பின்னணியில் உள்ள அசல் காரணம் என்னவென்று தெரியாமல் ஆளும் பாரதிய ஜனதா கட்சியின் முக்கியத் தலைவர்களே தற்பொழுது கடும் குழப்பத்தில் ஆழ்ந்துள்ளதாக டெல்லி வட்டாரத் தகவல்கள் தெரிவிக்கின்றன. அடுத்தகட்ட அரசியல் நகர்வுகள் குறித்த உத்தியோகப்பூர்வ அறிவிப்புகள் வெளியாகும் வரை இந்த சந்திப்பு குறித்த மர்மமும், விவாதங்களும் தேசிய அளவில் தொடர்ந்து நீடிக்கும் என்றே எதிர்பார்க்கப்படுகிறது.