அய்யயோ கொடுமை..! மொட்டை மாடியில் நடந்த பயங்கரம்… குரங்குகள் தாக்கியதில் ஒன்றரை வயதுக் குழந்தை மாடியிலிருந்து விழுந்து பலி..!!

உத்தரப் பிரதேச மாநிலம் கௌசாம்பி மாவட்டத்தில் குரங்குகள் நடத்திய கொடூரத் தாக்குதலால் ஒன்றரை வயதுக் குழந்தை பரிதாபமாக உயிரிழந்த துயரச் சம்பவம் அரங்கேறியுள்ளது. இச்சம்பவத்தில் குழந்தையின் தாயும் படுகாயமடைந்து மருத்துவமனையில் அனுமதிக்கப்பட்டுள்ளார். கௌசாம்பியின் அஹ்வௌலி கிராமத்தில் இந்த நெஞ்சை உலுக்கும் விபத்து நடந்துள்ளது.

பாதிக்கப்பட்ட கோமல் தேவி என்ற பெண், தனது ஒன்றரை வயது மகன் சௌரியாவைத் தூக்கிக்கொண்டு வீட்டின் மொட்டை மாடிக்குச் சென்றுள்ளார். அப்போது அங்கு திடீரென வந்த குரங்குக்கூட்டம் அவர்கள் மீது பாய்ந்து பயங்கரத் தாக்குதல் நடத்தியுள்ளது. இதனால் நிலைதடுமாறிய தாயும் குழந்தையும் மாடியிலிருந்து கீழே விழுந்ததில், குழந்தை சம்பவ இடத்திலேயே பரிதாபமாக உயிரிழந்தது.

இப்பகுதியில் குரங்குகளின் அச்சுறுத்தல் தொடர்ந்து அதிகரித்து வருவதால், உள்ளூர் பொதுமக்கள் மாவட்ட நிர்வாகத்தின் அலட்சியப் போக்கிற்கு எதிராகக் கடும் கொந்தளிப்பில் உள்ளனர். இச்சம்பவம் குறித்துத் தகவல் அறிந்த வனத்துறை அதிகாரிகள் மற்றும் காவல்துறை அதிகாரிகள், சம்பந்தப்பட்ட கிராமத்திற்கு விரைந்து சென்று தொல்லை தரும் குரங்குகளைப் பிடிப்பதற்கான உரிய நடவடிக்கை எடுக்கப்படும் என்று உறுதியளித்துள்ளனர்.