BREAKING: ரூ.75,000 பயிர்க்கடன் தள்ளுபடி.. விவசாயிகளுக்கு தமிழக அரசு சொன்ன குட் நியூஸ்..!!

ரூ.1 லட்சத்துக்கு மேல் பயிர்க்கடன் பெற்ற விவசாயிகளுக்கும் ரூ.75,000 வரை கடன் தள்ளுபடி வழங்கும் அதிரடி அறிவிப்பு விரைவில் வெளியாகும் என்று கூட்டுறவுத்துறை அமைச்சர் வினோத் தெரிவித்துள்ளார். விவசாய சங்கப் பிரதிநிதிகளுடன் நடைபெற்ற ஆலோசனைக் கூட்டத்தில் இந்த முக்கியத் தகவலைப் பகிர்ந்த அவர், இதுகுறித்த அதிகாரப்பூர்வ அறிவிப்பை முதலமைச்சர் விஜய் முறைப்படி வெளியிடுவார் என்றும் உறுதியளித்துள்ளார்.

முன்னதாக, ரூ.75,000-க்கு மேல் பயிர்க்கடன் பெற்ற விவசாயிகளுக்கு ரூ.35,000 மட்டுமே தள்ளுபடி செய்யப்படும் என்று அரசு தரப்பில் அறிவிக்கப்பட்டிருந்தது. இந்த அறிவிப்பு விவசாயிகளிடையே பெரும் ஏமாற்றத்தை ஏற்படுத்திய நிலையில், தங்களுக்கு முழுமையாக உதவ வேண்டும் என்று பல்வேறு விவசாய அமைப்புகள் அரசிடம் தொடர்ந்து கோரிக்கை விடுத்து வந்தன.

விவசாயிகளின் இந்த நியாயமான கோரிக்கையை ஏற்று, நிதிச் சுமையைக் குறைக்கும் வகையில் தள்ளுபடி தொகையை ரூ.75,000 ஆக உயர்த்த அரசு தற்போது முடிவு செய்துள்ளது. அரசின் இந்த திடீர் மாற்றமும் புதிய அறிவிப்பும் தமிழக விவசாயிகளிடையே பெரும் மகிழ்ச்சியையும் வரவேற்பையும் ஏற்படுத்தியுள்ளது.