குஷியோ குஷி..! பயிர்க்கடன் முழுமையாக தள்ளுபடி…? அமைச்சர் வினோத் சொன்ன குட் நியூஸ்…!!

குறித்து தமிழ்நாடு முதலமைச்சர் விஜய் விரைவில் முக்கிய அறிவிப்பை வெளியிடுவார் என்று தமிழக வேளாண்மை மற்றும் விவசாயிகள் நலத்துறை அமைச்சர் வினோத் தெரிவித்துள்ளார். கள்ளக்குறிச்சி மாவட்டம் மூங்கில்துறைபட்டு கூட்டுறவு சர்க்கரை ஆலையில் நடைபெற்ற, 2025-2026ஆம் ஆண்டு சிறப்பு பருவம் மற்றும் 2026-2027ஆம் ஆண்டு முதன்மை அரவை தொடக்க விழாவில் சிறப்பு அழைப்பாளராகக் கலந்துகொண்ட போது அவர் இந்தத் தகவலைப் பகிர்ந்துகொண்டார். மாவட்ட கலெக்டர் பத்மஜா தலைமையில் மற்றும் கள்ளக்குறிச்சி எம்.எல்.ஏ. அருள் விக்னேஷ் முன்னிலையில் நடைபெற்ற இந்நிகழ்வில், கரும்பு அரவை பணியினைத் தொடங்கி வைத்த அமைச்சர், சர்க்கரை ஆலையின் கண்காட்சியையும் பார்வையிட்டு ஆய்வு செய்தார்.

விழாவுக்குப் பின் செய்தியாளர்களைச் சந்தித்த அமைச்சர் வினோத், விவசாயப் பெருமக்களின் வாழ்வாதாரத்தை மேம்படுத்தும் நோக்கில் அரசு பல்வேறு தொடர் நடவடிக்கைகளை எடுத்து வருவதாகக் குறிப்பிட்டார். குறிப்பாக, கரும்பு விவசாயிகளின் நீண்ட நாள் கோரிக்கையான கரும்புக்கான ஆதார விலை உள்ளிட்ட முக்கிய விபரங்கள் அனைத்தும் வரவிருக்கும் தமிழ்நாடு பட்ஜெட்டில் விரிவாக அறிவிக்கப்படும் என்பதை உறுதிப்படுத்தினார். மேலும், விவசாயத் துறைக்குத் தனி முக்கியத்துவம் அளிக்கும் வகையில் வேளாண்மைக்கென பிரத்யேகமாகத் தனி பட்ஜெட் தாக்கல் செய்யப்பட உள்ளது என்றும் அவர் விவரித்தார்.

இத்திட்டங்களை விவசாயிகளுக்கு முழுமையாகக் கொண்டு சேர்க்கும் பொருட்டு, தற்பொழுது ஒவ்வொரு மாவட்டத்திலும் உள்ள விவசாயிகளிடம் நேரடியாகக் கோரிக்கைகள் மற்றும் கருத்துகள் கேட்கப்பட்டு வருகின்றன. அந்தந்தப் பகுதி விவசாயிகளின் பிராந்தியத் தேவைகளை அறிந்து, அவர்கள் அனைவரும் நேரடியாகப் பயன்பெறும் வகையிலான புதிய திட்டங்கள் பட்ஜெட்டில் சேர்க்கப்படும் என்று அமைச்சர் வினோத் தனது பேட்டியில் நம்பிக்கை தெரிவித்துள்ளார்.