வெட்கமா இல்லையா உங்களுக்கு..? பெண் பயணியுடன் சகட்டுமேனிக்கு மோதிய தலைவர் – வைரல் வீடியோவால் டெல்லியில் உச்சக்கட்ட பரபரப்பு!

டெல்லி ஜந்தர் மந்தரில் நடைபெற இருந்த போராட்டத்தில் பங்கேற்பதற்காகச் சென்ற சி.ஜே.பி (CJP) அமைப்பின் இணை அமைப்பாளர் சௌரவ் தாஸ் (Saurav Das) மற்றும் இதர தலைவர்கள் டெல்லி விமான நிலையத்திற்கு வந்தடைந்தடைந்தபோது, டெல்லி காவல்துறை அவர்களை விமானத்தினுள் வைத்தே அதிரடியாகக் கைது செய்து தடுத்து வைத்தது. இந்தச் பரபரப்பான சூழலில், விமானத்திலிருந்து பயணிகள் வெளியேறக் காத்திருந்த நேரத்தில் சௌரவ் தாஸுக்கும் பெண் பயணி ஒருவர் இடையே கடுமையான வாக்குவாதம் ஏற்பட்டுள்ளது.

அந்த வைரல் காணொளியில், சௌரவ் தாஸை நோக்கி அப்பெண் பயணி கடும் எதிர்ப்பைப் பதிவு செய்வதுடன், “ஷேம் ஆன் யூ” (Shame on you) என்று கூறி கோபமாகச் சண்டையிடுவது பதிவாகியுள்ளது. காவல்துறையினர் விமானத்திற்குள் நுழைந்து தலைவர்களை அழைத்துச் செல்ல முற்பட்டபோது, அங்கு நிலவிய குழப்பமான சூழலில் அப்பெண் தாஸைக் கடுமையாக விமர்சித்துள்ளார். அதற்குச் சௌரவ் தாஸும் சற்றும் விட்டுக் கொடுக்காமல் எரிச்சலுடன் பதிலடி கொடுத்துள்ளார்.

இந்தக் காணொளியின் நீட்சியில், சௌரவ் தாஸ் உள்ளிட்ட தலைவர்கள் விமானத்தினுள் “பாரத் மாதா கி ஜெய்” மற்றும் “இன்குலாப் ஜிந்தாபாத்” போன்ற முழக்கங்களை எழுப்பியதும் குறிப்பிடத்தக்கது. முன்னதாக, தங்களை விமானத்திற்குள் நுழைந்து காவல்துறை கைது செய்தது எமர்ஜென்சி காலத்தைகூட மிஞ்சுவதாக சி.ஜே.பி தலைவர்கள் குற்றம்சாட்டியிருந்த நிலையில், அங்கு சக பயணியோடு ஏற்பட்ட இந்த மோதல் சமூக வலைதளங்களில் பெரும் விவாதத்தை ஏற்படுத்தியுள்ளது.