“குரைக்கும் விலங்குகளே கவ்விக் கொண்டு ஓடுங்கள்” Abuser பொறுக்கிகள் நடத்தும் கட்சிதான் தவெக… மிசா ஆதாரத்தை வெளியிட்ட திமுக ஐடி விங்..!!

எமர்ஜென்சி காலத்தில் மு.க.ஸ்டாலின் அவர்கள் அனுபவித்த மிசா சிறைவாசம் தொடர்பான வரலாற்று ஆதாரங்களை வெளியிட்டு, தமிழக வெற்றிக் கழகத்தை திமுக தகவல் தொழில்நுட்ப அணி மிகக் கடுமையாகச் சாடியுள்ளது. “கொள்கை, சித்தாந்தம் எதுவும் இல்லாமல், தியாகிகளைக் கொச்சைப்படுத்தி அரசியல் செய்ய நினைக்கும் உங்கள் அநாகரிகச் சாக்கடையிலேயே, தவெக எனும் காகிதக் கப்பல் மூழ்கும்” என்று திமுக ஐடி விங் தனது பதிவில் மிகக் காரசாரமாக விவரித்துள்ளது. மேலும், அவதூறுகளைப் பரப்புபவர்களை ‘குரைக்கும் விலங்குகள்’ என்று குறிப்பிட்டு, “குரைக்கும் விலங்குகளே கவ்விக் கொண்டு ஓடுங்கள்” என மிக ஆக்ரோஷமான வார்த்தைகளால் தவெக தரப்புக்குச் சாட்டையடிப் பதிலடி கொடுத்துள்ளது.

இந்த விவகாரத்திற்கு வலுசேர்க்கும் விதமாக, எமர்ஜென்சி காலத்தில் விசாரிக்கப்பட்ட சாட்சிகளின் பட்டியல் மற்றும் அதிகாரப்பூர்வ காவல் துறை ஆவணங்களின் நகல்களை திமுக ஐடி விங் ஆதாரமாகப் பகிர்ந்துள்ளது. அந்த வரலாற்று ஆவணங்களின் பட்டியலில், சாட்சி எண் 2-ஆக ‘திரு. மு.க.ஸ்டாலின்’ பெயர் இடம் பெற்றுள்ளதும், அவர் 19 ஜூலை 1977 அன்று விசாரிக்கப்பட்ட விபரமும் தெளிவாகக் குறிப்பிடப்பட்டுள்ளது. தங்களின் தியாக வரலாறு உண்மையானது என்பதை இந்த ஆவணங்கள் நிரூபிப்பதாகக் கூறியுள்ள திமுக தரப்பு, திரைப்படப் பின்னணியில் இருந்து வந்து தியாகங்களை அற்பத்தனமாக விமர்சிப்பவர்களின் பொய் முகத்தை இந்த ஆதாரங்கள் அம்பலப்படுத்துவதாகத் தெரிவித்துள்ளது.