“அவன் அப்படி ஆகிடக்கூடாது” 10 வயது மகனை பலிபீடத்தில் அடித்துக் கொன்றுவிட்டு… அருகே கட்டிலில் நிம்மதியாக தூங்கிய தந்தை.. அதிர்ச்சி பின்னணி..!!

குஜராத் மாநிலம் அகமதாபாத் மாவட்டம் விஞ்சியா கிராமத்தில், குடும்ப மத பாரம்பரியத்தைத் தொடரக் கூடாது என்பதற்காக 10 வயது மகனைப் பெற்ற தந்தையே அடித்துக் கொன்ற துயரச் சம்பவம் நிகழ்ந்துள்ளது. குற்றம் சாட்டப்பட்ட நரேஷ் படேல் (36) என்ற விவசாயத் தொழிலாளி, உள்ளூரில் ‘புவா’ (Bhuva – பாரம்பரிய சடங்குகளைச் செய்யும் பூசாரி/மாந்திரீகர்) ஆக இருந்து வந்துள்ளார். தனது தந்தை மற்றும் தாத்தாவைப் போல தன் மகனும் எதிர்காலத்தில் ஒரு மாந்திரீகராக மாறுவதை அவர் விரும்பவில்லை என்று கூறப்படுகிறது.

சம்பவத்தன்று, வீட்டில் உள்ள ஜோகணி மாதா கோவில் பலிபீடத்தின் அருகே, தனது மகன் கரணை கால்களைப் பிடித்து தரையில் இரண்டு மூன்று முறை நரேஷ் கொடூரமாக மோதியுள்ளார். அதன் பின்னரும் ஆத்திரம் அடங்காமல், ஒரு மரக் கட்டையால் சிறுவனின் தலையில் பலமுறை தாக்கி அவனது உயிரைப் பறித்துள்ளார். குடும்பத் தகராறு காரணமாக சிறுவனின் தாய் பாரதிபென் தனது பெற்றோர் வீட்டிற்குச் சென்றிருந்ததால், தேர்வு எழுத வேண்டிய கட்டாயத்தில் தங்கியிருந்த சிறுவன் தந்தையிடம் மாட்டிக்கொண்டு இந்தத் துயர நிலைக்கு ஆளாகியுள்ளான்.

இந்தக் கொடூரக் கொலையைச் செய்த பின்னர், இரத்தம் தோய்ந்த நிலையில் கிடந்த தனது மகனின் உடலுக்கு அருகிலேயே மற்றொரு கட்டிலில் அந்தத் தந்தை நிம்மதியாக உறங்கிய அதிர்ச்சியூட்டும் தகவலும் வெளியாகியுள்ளது. அண்டை வீட்டார் கொடுத்த தகவலின் பேரில் சம்பவ இடத்திற்கு வந்த தாய், தனது மகன் இரத்த வெள்ளத்தில் இறந்து கிடப்பதைக் கண்டு அதிர்ச்சியடைந்தார். தாயின் புகாரைத் தொடர்ந்து சானந்த் பகுதி போலீசார் வழக்குப்பதிவு செய்து, நரேஷைக் கைது செய்து விசாரணை நடத்தி வருகின்றனர்.