செருப்பால அடிப்பேன்னு சொன்ன பிரபல நடிகை.. “யார்டா நீங்க?”.. கஸ்தூரி கொடுத்த மரண மாஸ் ரிப்ளை..!!

பிரபல இயக்குநர் கே. பாக்யராஜ் மறைவின்போது திரையுலகினர் மற்றும் ஊடகத்தினர் நடந்துகொண்ட விதம் பெரும் விமர்சனத்திற்குள்ளான நிலையில், அதுகுறித்து நடிகை கஸ்தூரி தனது ஆதரவானக் கருத்துக்களைப் பகிர்ந்துள்ளார். பாக்யராஜின் இறுதிச்சடங்கின்போது அங்கிருந்த சிலர் அவரது உடலைச் சுற்றி நின்று வீடியோ எடுத்ததும், பிரபலங்களின் துயரத்தைப் பொருட்படுத்தாமல் மைக் நீட்டி கேள்வி கேட்டதும் சர்ச்சையை ஏற்படுத்தியது. இதனால் ஆத்திரமடைந்த நடிகை சுஹாசினி, “இப்படி வீடியோ எடுப்பவர்களைச் செருப்பால் அடிப்பேன்” எனக் கோபப்பட்டார். அதேபோல் நடிகை ராதிகாவும், “தயவுசெய்து இந்த இடத்தை சர்க்கஸ் ஆக்காதீர்கள்” என்று கைகூப்பிக் கேட்டுக்கொண்டார். இவர்களின் இந்த ஆக்ரோஷமான எதிர்வினை குறித்து சமூக வலைத்தளங்களில் ஆதரவும் எதிர்ப்பும் கலந்து பெரிய விவாதமாக மாறியது.

இந்த சர்ச்சை குறித்துப் பேசிய நடிகை கஸ்தூரி, சுஹாசினி மற்றும் ராதிகா இருவரின் செயல்களிலும் தனக்கு எந்தத் தவறும் தெரியவில்லை என்று அவர்களுக்கு ஆதரவாகப் பேசியுள்ளார். இறுதிச்சடங்கு நடந்த இடத்தில் அப்பொழுது என்ன மாதிரியான சூழல் நிலவியது என்பதை நேரில் பார்த்தால் மட்டுமே அவர்களின் கோபத்திற்கான காரணம் புரியும் என்று அவர் குறிப்பிட்டுள்ளார். சொந்தக் குடும்பத்தினர் தங்கள் உயிரே போனது போன்ற ஆழ்ந்த வேதனையில் இருக்கும் ஒரு இக்கட்டான நேரத்தில், சிலர் கேமரா, மொபைல் மற்றும் மைக்கை தூக்கிக்கொண்டு யார் எப்படி அழுகிறார்கள் என்று படம் பிடிக்க நினைப்பது நியாயமற்றது என்றும், இதைப்பார்த்தால் யாருக்குத்தான் கோபம் வராது என்றும் கஸ்தூரி கேள்வி எழுப்பியுள்ளார்.