தளபதி’ தோளில் கை வச்சதும் அனந்திதா காலி…விஜய்யைப் பார்த்து மீண்டும் அழுதுடாதே! ‘வாரிசு’ சூட்டிங்கில் அனந்திதாவுக்கு குஷ்பூ கொடுத்த வார்னிங்…ஜூன் 12 ரிலீஸ்.. ஆனா இப்போதே ட்ரெண்டாகும் குஷ்பூ மகள்…!

தமிழ் சினிமாவின் நட்சத்திர தம்பதிகளான சுந்தர்.சி மற்றும் குஷ்பூவின் இளைய மகள் அனந்திதா, தற்போது ‘டபுள் ஆக்குபன்சி’ திரைப்படத்தின் மூலம் கிரியேட்டிவ் தயாரிப்பாளராகத் தனது திரைப்பயணத்தைத் தொடங்கியுள்ளார். அவ்னி மூவீஸ் தயாரிப்பில் ஜூன் 12-ஆம் தேதி வெளியாகவுள்ள இப்படத்தின் புரமோஷன் நிகழ்ச்சிகளில் கலந்துகொண்ட அவர், முன்னணி நடிகரும் தமிழக முதல்வருமான தளபதி விஜய்யை முதன்முறையாகச் சந்தித்தபோது தான் மயங்கி விழுந்த சுவாரசியமான அனுபவத்தைப் பகிர்ந்துள்ளார். இந்தச் சந்திப்பு கடந்த 2021-ஆம் ஆண்டு நடந்ததாகக் குறிப்பிட்டுள்ள அனந்திதாவின் இந்த நெகிழ்ச்சியான நேர்காணல், தற்போது சமூக வலைதளங்களில் விஜய் ரசிகர்கள் மத்தியில் பெரும் வைரலாகி வருகிறது.

விஜய்யுடனான முதல் சந்திப்பு குறித்து அனந்திதா பேசுகையில், “அவரை நேரில் பார்த்த தருணம் இன்னும் என் நினைவில் பசுமையாக இருக்கிறது; என்னை பார்த்தவுடன் ‘வாம்மா’ என்று அன்பாக அழைத்துத் தோளில் கை வைத்தார், அந்த நொடியே நான் அப்படியே மயங்கிவிட்டேன்” என்று விவரித்துள்ளார். உடனே விஜய் தன்னைத் தாங்கிப் பிடித்து நலம் விசாரித்ததாகவும், பின்னர் காரில் ஏறியதும் அவரைச் சந்தித்த மகிழ்ச்சியில் தான் கண்கலங்கி அழுததாகவும் கூறியுள்ளார். கார் கிளம்பும் வரை வெளியே நின்று விஜய் தன்னை கவனித்துக் கொண்டிருந்ததை நினைத்து அந்த நேரத்தில் தான் சற்று சங்கடமாக உணர்ந்ததாகவும் அவர் சிரித்தபடி நினைவுகூர்ந்துள்ளார்.

அதன்பின்னர் ‘வாரிசு’ படப்பிடிப்பு தளத்தில் விஜய்யை இரண்டாம் முறை சந்தித்தபோதும், அம்மா குஷ்பூ முன்கூட்டியே எச்சரித்ததையும் மீறித் தான் உணர்ச்சிவசப்பட்டு அழுதுவிட்டதாக அனந்திதா தெரிவித்துள்ளார். சமீபத்தில் ஒரு குடும்ப நிகழ்விற்காக மூன்றாம் முறையாக விஜய்யைச் சந்தித்தபோது, “இந்த முறை அழக்கூடாது” என்று வீட்டில் சத்தியம் வாங்கிக் கொண்டதால், அழாமல் 15 நிமிடங்கள் அவரையே பார்த்துச் சிரித்துக் கொண்டிருந்ததாகக் குறிப்பிட்டுள்ளார். விஜய் மிகவும் எளிமையானவர் மற்றும் அன்பானவர் என்று உருகிய அனந்திதாவின் இந்தப் பேட்டி, இணையத்தில் ரசிகர்களால் அதிகம் ரசிக்கப்பட்டு வருகிறது.