இந்த காம்போ வேற லெவல்…! “தளபதி 69” படத்திற்கு இசையமைப்பது இவரா…? லீக்கான நியூஸ்…!!

நடிகர் விஜய் தற்போது தி கோட் படத்தில் நடித்து முடித்துள்ளார். இந்த படமானது செப்டம்பர் 5 ஆம் தேதி திரையரங்குகளில் வெளியாகவுள்ளது. இதனை ரசிகர்கள் பெரும் ஆவலோடு எதிர்பார்த்து காத்திருக்கிறார்கள். அடுத்ததாக தளபதி 69 இல் நடிக்க இருக்கிறார். நடிகர் விஜய் அரசியலில் இறங்கியுள்ளதால், அடுத்த படம் தான் கடைசி படம் என்று அறிவித்திருந்தார்.

இதனால், அந்த படத்தை இயக்கப்போவது யார்? என்று பெரும் எதிர்பார்ப்பு எழுந்த நிலையில் நடிகர் விஜய்யின் கடைசி படத்தை பிரபல இயக்குநர் எச்.வினோத் இயக்குவதாக அவரே அதிகாரப்பூர்வமாக அறிவித்தார். படம் குறித்த அப்டேட் இன்று மாலை வெளியாகும் என்று KVN தயாரிப்பு நிறுவனம் அறிவித்துள்ளது. இந்நிலையில் வலைப்பேச்சு அந்தணன் தளபதி 69 குறித்து  பேசுகையில், இந்த படத்தில் பூஜா ஹெக்டே ஹீரோயினாகவும் நடிக்க இருக்கிறார். மேலும் அனிருத் இசையமைக்கவுள்ளார்.