முதலமைச்சர் விஜய்யின் அப்பா யார்..? அவரது பிறப்பு என்ன..? தமிழக அரசியலில் பெரும் பூகம்பத்தைக் கிளப்பிய ஆர்.பி உதயகுமாரின் சர்ச்சை பேச்சு..!

மதுரையில் நடைபெற்ற கட்சி நிகழ்ச்சி ஒன்றில் பேசிய அதிமுக முன்னாள் அமைச்சர் ஆர்.பி. உதயகுமார், முதலமைச்சர் ஜே. ஜோசப் விஜய் குறித்துப் பேசிய கருத்துக்கள் தற்பொழுது அரசியல் வட்டாரத்தில் பெரும் சர்ச்சையை ஏற்படுத்தியுள்ளன. அதிமுகவைக் கேள்வி கேட்க வேண்டுமென்றால் அக்கட்சியில் உறுப்பினராக இருக்க வேண்டும் அல்லது கட்சியினரின் வாரிசுகளாக இருக்க வேண்டும் என்று குறிப்பிட்ட அவர், “முதலமைச்சர் விஜய்யின் அப்பா யார்? அவரது பிறப்பு என்ன?” என்று ஆவேசமாகக் கேள்வி எழுப்பினார்.

இவ்வாறு பொதுமேடையில் நாட்டின் முதலமைச்சரின் பிறப்பு குறித்து அவர் கேள்வி எழுப்பியது தவெக தொண்டர்களிடையே கடும் கொந்தளிப்பை ஏற்படுத்தியுள்ளது. இருப்பினும், தனது இந்தப் பேச்சை யாரும் அநாகரிகமாக நினைக்க வேண்டாம் என்றும் ஆர்.பி. உதயகுமார் அதே மேடையில் விளக்கமளித்துள்ளார்.