ரெய்டு குறித்து ஸ்டாலின் போனில் என்ன சொன்னார்..? அதிர்வலைகளைக் கிளப்பிய அந்த ஒற்றை போன் கால்… முன்னாள் அமைச்சர் கே.என்.நேரு வெளியிட்ட பரபரப்பு பின்னணி..!!

முன்னாள் அமைச்சர் மற்றும் திமுக முதன்மைச் செயலாளர் கே.என்.நேருவுக்குச் சொந்தமான சென்னை, திருச்சி உட்பட 19-க்கும் மேற்பட்ட இடங்களில் லஞ்ச ஒழிப்புத்துறை அதிகாரிகள் அதிரடியாகச் சோதனையில் ஈடுபட்டனர். டெண்டர் முறைகேடு தொடர்பான புகார்களின் அடிப்படையில் செப்டம்பர் 5, 2026 அன்று அதிகாலை முதலே இந்த லஞ்ச ஒழிப்புச் சோதனை தீவிரமாக நடத்தப்பட்டது.

இந்தச் சோதனை குறித்துச் செய்தியாளர்களிடம் பேசிய முன்னாள் அமைச்சர் கே.என்.நேரு, அரசியல் பழிவாங்கும் நடவடிக்கையாகவே தன் மீது இது போன்ற சோதனைகள் நடத்தப்படுவதாகக் குற்றம் சாட்டினார். மேலும், “இதுபோன்ற 3-வது ரெய்டை நான் சந்திக்கிறேன். அரசியல் காழ்ப்புணர்ச்சியில் தான் இது போன்ற செயல்கள் நடக்கிறது. எங்களது தலைவர் மு.க.ஸ்டாலின் என்னிடம் தொலைபேசியில் பேசினார். அப்போது, இந்த லஞ்ச ஒழிப்புத்துறை ரெய்டுக்கு முழு ஒத்துழைப்பு வழங்குமாறு என்னிடம் கூறினார்” என்று அவர் தெளிவுபடுத்தினார்.

திமுக தலைவர் மு.க.ஸ்டாலினும் இச்சம்பவத்திற்குக் கடும் கண்டனம் தெரிவித்துள்ளார். தற்போதைய தவெக ஆட்சியில், சட்டமன்றக் கூட்டத்தொடர் நடந்து கொண்டிருக்கும் வேளையிலும், நீதிமன்றத்தில் வழக்கு நிலுவையில் இருக்கும் சூழலிலும் திட்டமிட்டே இந்தச் சோதனை நடத்தப்படுவதாகவும், இதற்கெல்லாம் திமுகவோ அல்லது கே.என்.நேருவோ அஞ்சப் போவதில்லை என்றும், இதனைச் சட்ட ரீதியாகச் சந்திப்போம் என்றும் அவர் தனது சமூக வலைத்தளப் பக்கத்தில் பதிவிட்டுள்ளார்.