“அடச்சீ பொது இடத்தில் இப்படியா..?” பள்ளி மாணவிகள் முன்னிலையில் நபர் செய்த பகீர் காரியம்.. நெட்டிசன்களை கொந்தளிக்க வைத்த வீடியோ..!!

கன்னியாகுமரி மாவட்டம் அருமனை அருகே உள்ள நெடுங்குளம் சந்திப்பில், பொது இடத்திலும், பள்ளி மாணவிகள் மற்றும் பொதுமக்கள் முன்னிலையிலும் அமர்ந்து மது குடித்து ரகளையில் ஈடுபட்ட நபரின் வீடியோ சமூக வலைத்தளங்களில் வைரலானதை அடுத்து, காவல்துறையினர் அவரை அதிரடியாகக் கைது செய்துள்ளனர். அந்த நபர் நெடுங்குளம் சந்திப்பில் உள்ள ஒரு பொது இடத்தில் அமர்ந்து கொண்டு, அவ்வழியாகச் செல்லும் பள்ளி மாணவிகள் மற்றும் பொதுமக்களுக்கு முகம் சுளிக்கும் வகையிலும், இடையூறு ஏற்படுத்தும் வகையிலும் பகிரங்கமாக மது அருந்தி வந்துள்ளார். இந்த அநாகரிகமான செயலையும், அவரது ரகளையையும் அங்கிருந்தவர்கள் வீடியோவாக எடுத்து சமூக வலைத்தளங்களில் பதிவிட, அது வேகமாகப் பரவி பெரும் பரபரப்பை ஏற்படுத்தியது.

இந்த வீடியோ சமூக வலைத்தளங்களில் வைரலாகி காவல்துறை உயர் அதிகாரிகளின் கவனத்திற்குச் சென்றதை அடுத்து, அருமனை போலீசார் உடனடியாக சம்பவ இடத்திற்கு விரைந்து வந்தனர். பொதுமக்களுக்கு அச்சுறுத்தலையும், மாணவிகளுக்கு இடையூறையும் ஏற்படுத்திய அந்த நபரை போலீசார் சம்பவ இடத்திலேயே மடக்கிப் பிடித்து அதிரடியாகக் கைது செய்தனர். பொது இடங்களில் இதுபோன்று அநாகரிகமாக நடந்துகொள்பவர்கள் மீது கடுமையான சட்ட நடவடிக்கை எடுக்கப்படும் என போலீசார் எச்சரித்துள்ளனர்.