“அடப்பாவமே.. வாடகைக்கு வந்த 51 வயது பெண்…” அடுத்தடுத்து பலியான இரு சகோதரர்கள்.. எய்ம்ஸ் பரிசோதனையில் வெளிவந்த அதிர்ச்சி உண்மை..!!

உத்தரப் பிரதேச மாநிலம் பிஜ்னோர் மாவட்ட எல்லையில் உள்ள கிராமம் ஒன்றில், இரு சகோதரர்கள் அடுத்தடுத்து உயிரிழந்ததைத் தொடர்ந்து பரவிய எச்.ஐ.விதொற்று குறித்த தகவல், அப்பகுதி மக்களிடையே பெரும் பீதியை ஏற்படுத்தியுள்ளது. அந்த கிராமத்தில் சுமார் இரண்டு ஆண்டுகள் வாடகைக்கு வசித்து வந்த பெண் ஒருவருடன், முதலில் 51 வயதான நபர் ஒருவரும், அவரைத் தொடர்ந்து அவரது உறவினரான 43 வயது நபரும் உடலுறவு ரீதியாக நெருங்கிய தொடர்பில் இருந்ததாகக் கூறப்படுகிறது. அந்தப் பெண் கிராமத்தை விட்டு வெளியேறிய பிறகு, அந்த இரு சகோதரர்களின் உடல்நிலையும் தொடர்ந்து மோசமடைந்துள்ளது.

அவர்களில் 51 வயதான நபர் தீவிர சிகிச்சைக்காக ரிஷிகேஷ் எய்ம்ஸ் மருத்துவமனையில் அனுமதிக்கப்பட்டார். அங்கு அவருக்கு நடத்தப்பட்ட மருத்துவப் பரிசோதனையில் எச்.ஐ.வி தொற்று இருப்பது உறுதி செய்யப்பட்டது. துரதிர்ஷ்டவசமாக, அவர் சிகிச்சை பலனின்றி மருத்துவமனையிலேயே உயிரிழந்தார். இந்தச் சோகம் நிகழ்ந்த அடுத்த மூன்றே நாட்களில், அவரது 43 வயது உறவினரும் உடல்நலக் குறைவால் உயிரிழந்துள்ளார். அந்தப் பெண் வசித்த வீட்டிற்கு மேலும் பல ஆண்கள் வந்து சென்றதாகப் பரவிய தகவலால், தங்களுக்கும் தொற்று ஏற்பட்டிருக்குமோ என்ற அச்சத்தில் கிராம மக்கள் ஆழ்ந்துள்ளனர்.

இந்த விவகாரத்தை தீவிரமாகக் கருத்தில் கொண்ட தலைமை மருத்துவ அதிகாரி டாக்டர் கௌஷலேந்திர சிங், கிராம மக்களுக்கு ஆலோசனைகள் வழங்கவும், தேவைப்பட்டால் ரகசிய மருத்துவப் பரிசோதனைகளை மேற்கொள்ளவும் சுகாதாரத் துறை குழு ஒன்றை அந்த கிராமத்திற்கு அனுப்ப உத்தரவிட்டுள்ளார். எனினும், அந்த இரு சகோதரர்களுக்கும் அந்த குறிப்பிட்ட பெண்ணின் மூலமாகத்தான் எச்.ஐ.வி தொற்று பரவியது என்பது இதுவரை அதிகாரப்பூர்வமாக உறுதி செய்யப்படவில்லை.