“இமாச்சலப் பிரதேசம் வர்றீங்களா..?” காசி பாட்டியின் ஒற்றைப் பதிலை கேட்டு வாயடைத்துப் போன கல்லூரி மாணவி.. நெட்டிசன்களை நெகிழ வைத்த வீடியோ..!!

“நாங்கள் வாரணாசியை விட்டு எங்கும் போக மாட்டோம்” என்று பனாரஸ் இந்து பல்கலைக்கழகத்தில் படிக்கும் இமாச்சலப் பிரதேசத்தைச் சேர்ந்த கீயா என்ற மாணவியிடம் பனாரஸ் பாட்டி ஒருவர் கூறிய உருக்கமான பதில், தற்போது இணையத்தில் வைரலாகி ஒட்டுமொத்த பனாரஸ் மக்களின் இதயங்களையும் வென்றுள்ளது. அந்த மாணவி, பாட்டியிடம் “நீங்கள் எப்போதாவது இமாச்சலப் பிரதேசம் சென்றிருக்கிறீர்களா? அங்கு வர விரும்புகிறீர்களா?” என்று கேட்டபோது, அவர் பனாரஸ் மீதுள்ள தனது அளவற்ற அன்பினால் வர மறுத்து இந்த பதிலை அளித்துள்ளார். பாரத ரத்னா உஸ்தாத் பிஸ்மில்லா கான் போன்ற புகழ்பெற்ற ஆளுமைகளும் இந்த நகரத்தின் மீது கொண்டுள்ள ஈர்ப்பால் இதை விட்டுப் பிரிய மறுத்த வரலாறு இங்குண்டு.

https://www.instagram.com/reel/Dbk5WNDM2SG/?utm_source=ig_embed&ig_rid=AmRFq9_in2q_4lPWa2vcg3r

இந்து மத நம்பிக்கைகளின்படி, பனாரஸின் புனித கங்கை நதிக்கரையில் உள்ள மணிகர்ணிகா படித்துறையில் இறுதிச் சடங்குகள் செய்யப்படுபவர்கள் பிறப்பு மற்றும் இறப்பு சுழற்சியில் இருந்து விடுபட்டு முழுமையான மோட்சத்தை அடைவார்கள் என்ற ஆழமான நம்பிக்கை மக்களிடையே நிலவுகிறது. இதனால் தான், குறிப்பாக முதியவர்கள் தங்களின் இறுதிக்காலத்தில் இந்த புனித நகரத்தை விட்டு வெளியேற விரும்புவதில்லை. இந்த வீடியோவை இன்ஸ்டாகிராமில் பகிர்ந்துள்ள மாணவி, “தங்கள் சொந்த நகரத்தை இவ்வளவு ஆழமாக நேசிக்கும் ஒருவரை நான் என் வாழ்நாளில் பார்த்ததே இல்லை” என்று நெகிழ்ச்சியுடன் குறிப்பிட்டுள்ளார். நெட்டிசன்களும் “நாம் காசியை விட்டு வெளியேறினாலும், காசி நம் மனதை விட்டு எப்போதும் நீங்குவதில்லை” என தங்களின் கருத்துக்களைப் பதிவிட்டு வருகின்றனர்.